შინაგან საქმეთა სამინისტროს მომსახურების სააგენტოს ინფორმაციით, დღეიდან ფოთში, B კატეგორიის პრაქტიკული გამოცდის მეორე ეტაპს ახალი საგამოცდო მარშრუტი დაემატა.

სააგენტოს ცნობით, საგამოცდო მარშრუტი №6 შემდეგი მიმართულებით განისაზღვრა: მომსახურების სააგენტოს ტერიტორია, ჭავჭავაძის ქ, სამეგრელოს ქ, გეგიძის ქ, გორგასლის ქ, დავით აღმაშენებლის ქ, თამარ მეფის ქ, ბერდიანსკის ქ, დემეტრე თავდადებულის ქ, მშვიდობის ქ, რუსთაველის რკალი, ნიკოლაძის სანაპირო, ჩხეიძის ქ, გეგიძის ქ, სამეგრელოს ქ, ჭავჭავაძის ქ და მომსახურების სააგენტოს ტერიტორია.

ამავე ცნობით, ამ ეტაპზე, ფოთში 4 მარშრუტი მოქმედებს და ისინი დამტკიცებულია შინაგან საქმეთა მინისტრის N598-ე ბრძანებით.