ზუგდიდში დევნილთა კორპუსების მშენებლობა დღეს, 6 ნოემბერს, დონორი ორგანიზაციის „გერმანიის რეკონსტრუქციისა და განვითარების ბანკის“ პროექტის მენეჯერმა კრისტოფ იზენმანმა მოინახულა. „ჩვენი ტექნიკური ექსპერტების შეფასებით სამუშაოები საკმაოდ სწრაფად და მაღალი ხარისხით მიმდინარეობს. იმედი მაქვს მალე დასრულდება. კმაყოფილები კი მხოლოდ მაშინ ვიქნებით, როცა დევნილები შემოვლენ და დასახლდებიან“, - აღნიშნა პროექტის მენეჯერმა. ზუგდიდის მუნიციპალიტეტის გამგებლის მოადგილის მოვალეობის შემსრულებელმა გიორგი თოდუამ აღნიშნა, რომ ეს მშენებლობა ყველაზე დიდი მოცულობის პროექტის განხორცილებაა, რომლისთვისაც დონორმა ორგანიზაციამ 10 მილიონი ლარი გამოყო. მისივე თქმით, სამუშაოები სექტემბერში დასრულდება და 256 დევნილი ოჯახი მიიღებს საცხოვრებელ ბინას. მშენებლობაზე დასაქმებული პირების დიდი ნაწილი დევნილები არიან.