საზოგადოება
ერთი გმირის გაცოცხლებული ისტორია - ეცერის სკოლას ზურაბ გურჩიანის სახელი მიენიჭა
მესტიის მუნიციპალიტეტის სოფელ ეცერის საჯარო საჯარო სკოლას, აფხაზეთის ომში დაღუპული ზურაბ გურჩიანის სახელი მიენიჭა. ის ამავე სკოლის მოსწავლე იყო და წელს 50 წლის გახდებოდა.

სკოლის სახელდების ერთ - ერთი ინიციატორის, მწერალ ირაკლი შამათავას თქმით, ერთი გმირის ისტორია, არა მარტო მისი მშობლიური სოფლისთვის, არამედ მთელი საქართველოსთვის გაცოცხლდა.

"ეს ნახევარი საუკუნის ადამიანი, იმის მიუხედავად, რომ წლები გადის, ჩვენს ცნობიერებაში რჩება მარად ჭაბუკად, რომელიც არ დაბერდება თავისი ისტორიით, თავისი აზროვნებით, თავისი გადაწყვეტილებით და სახელმწიფოსთვის გადადგმული ნაბიჯებით, რომელიც 22 წლის ასაკში კი არა, უფრო გვიან ასაკშიც კი არის შესაშური, გმირი უნდა იყო მოწოდებით, ყველაზე კარგ დროს უნდა გქონდეს ალღო, რომ მიიღო ყველზე კარგი გადაწყვეტილება და ზურას გადაწყვეტილება, მიუხედავად იმისა, რომ არის ტრაგედიებით აღსავსე, არის აბსოლუტურად გამართლებული", - გვითხრა ირაკლი შამათავამ.

ირაკლი შამათავა
ზურაბ გურჩიანი სოხუმის უნივერსიტეტის ბიოლოგიის ფაკულტეტის სტუდენტი იყო, როდესაც საომარი მოქმედებები დაიწყო. 21 წლის ახალგაზრდა  საკუთარი სურვილით ჩაება საქართველოს ტერიტორიული მთლიანობისათვის ომში და 23-ე მექანიზირებული ბრიგადის, მე-8 ბატალიონის II ასეულში, ე.წ. "ბაგრატიონის ასეულში" მსროლელად ჩაირიცხა. თავისი გადაწყვეტილების შესახებ ასე წერდა მამას, ვლადიმერ გურჩიანს, რომელიც ეცერის სკოლის ისტორიის მასწავლებელი იყო.

"მე თუ მკითხავ, ყველაზე მთავარი საქმე ქართველი კაცისთვის არის აქ დგომა და ამ უტეხი ხალხის დაცვა. მე ამას ყველა ქართველი კაცის ვალად ვთვლი. ისტორიკოსი ხარ და გეცოდინება, რომ ხალხი, ვინც იარაღით ხელში იბრძოდა სამშობლოსათვის, გმირებად იქცნენ, ხოლო ისინი, ვინც ამ ომს გაექცა, ლაჩრებად მოინათლნენ. მე არ მინდოდა ლაჩარი მრქმეოდა. არც შენ გაგეხარდება, ვიცი, ლაჩარი შვილის ყოლა. ჰოდა, მოხრილად კი არა, წელში გამართული უნდა დადიოდე, რომ არ ავირჩიე ლაჩარი მრქმეოდა...".

ზურას და, ლელა გურჩიანი ამავე სკოლის მათემატიკის მასწავლებელია. ასევე, ამავე სკოლაში გასულ წლამდე მუშაობდა ზურას დედა, ნინელი გაბრიჭიძე. ის ფიზიკა-მათემატიკის პედაგოგია.

"განსხვავებული ბავშვი იყო, დიდობაშიც - სხვანაირი! მას ჰქონდა საოცარი თვისება, მცირე დროში მოესწრო ყველაფერი. როგორც დედა, სულ ვგრძნობდი, დიდი ხნის არ იყო და მას განსაკუთრებულ ბედისწერას უმზადებდა განგება. გასაკვირი არაა, რომ 22 წლის ბიჭმა ამდენი მოასწრო სიცოცხლეში?! ... მერე იყო აფხაზეთის ომი. სოფელ კამანის ტრაგედია... როგორც კი რეალობის წინაშე აღმოვჩნდით მე და ჩემი მეუღლე, წამიერად გავიაზრეთ, რომ ზურა მარტო ჩვენი კი არა, მთლიანად საქართველოს შვილი იყო...", - ამბობს აფხაზეთის ომში დაღუპული გმირის დედა.


ნინელი გაბრიჭიძე

ზურას თანამებრძოლი და ვიცე-პოლკოვნიკი, 23-ე ბრიგადის III ასეულის მეთაურის მოადგილე  იოსებ გერლიანი იხსენებს, თუ როგორ მივიდა ბრიგადაში ახალგაზრდა კაცი და როგორ ეძებდა მებრძოლებში ნათესავებს.

"სულ ახალგაზრდა მოვიდა ჩვენთან კამანში. მებრძოლების თითქმის 99% იყვნენ თავისი სურვილით მოსულნი საომრად... მოვიდა და თქვა, გავიგე, აქ ჩემი ნათესავები, მოგვარეები ხართ ყველაზე ცხელ წერტილში და აქედან გამომდინარე, მეც მინდა, რომ თქვენს გვერდით ვიბრძოლო, როგორც ძმამ და მეომარმაო", - ყვება ვეტერანი.

ზურაბ გურჩიანი ერთ-ერთი იყო იმ გმირთაგან, რომლებიც 1993 წლის 5 ივლისს, კამანის დაცვისას, დაიღუპა.  მხოლოდ 2 თვის შემდეგ, 1 სექტემბერს შეძლო ოჯახმა ზურას ცხედრის მოძიება. ზურაბ გურჩიანი დაკრძალულია მშობლიურ სოფელ ეცერში.

2021 წლის 1 აპრილს, საინიციატივო ჯგუფის (ია ღადუა, ირაკლი შამათავა, რამაზ გერლიანი) ძალისხმევის შედეგად, საქართველოს განათლებისა და მეცნიერების მინისტრის ბრძანების საფუძველზე, სსიპ – მესტიის მუნიციპალიტეტის სოფელ ეცერის საჯარო სკოლას, სამშობლოს დაცვის საქმეში თვალსაჩინო წვლილის შეტანისათვის, აფხაზეთის ომის გმირის, ზურაბ გურჩიანის სახელი მიენიჭა.
Print Email
FaceBook Twitter
რ ე კ ლ ა მ ა
გიგა ოთხოზორიას დღეს 36 წელის შეუსრულდებოდა. სოფელ ხურჩაში ე.წ. აფხაზი მესაზღვრის მიერ მოკლული ოთხოზორიას საფლავი დღეს
ზუგდიდის მუნიციპალიტეტის მერის მოვალეობის შემსრულებელმა, კონსტანტინე კაკავამ მხარის გუბერნატორის პირველ მოადგილესთან, ნინო ვიბლიანთან ერთად 2021-2022 წლის მერის სტიპენდიანტებს სერთიფიკატები გადასცა.
მომხმარებლებს ტერაბანკში უკვე სუბსიდირებული იპოთეკური სესხის აღება შეუძლიათ. სააგენტოს „აწარმოე საქართველოში“ პროგრამაში, რომელიც იპოთეკური სესხების თანადაფინანსებას გულისხმობს, ბანკი აქტიურად ჩაერთო.
კორონავირუსი

ბოლო მონაცემებით სამეგრელოს კოვიდმიმღებ კლინიკებში 476 ადამიანი გადის მკურნალობის კურსს.

საქართველოში ბოლო 24 საათში გამოვლინდა ვირუსით ინფიცირების 5 076 ახალი დადასტურებული შემთხვევა, მათგან სამეგრელო - ზემო სვანეთში 19 435.
ოპერატიული შტაბის ინფორმაციით, გასული დღე-ღამის განმავლობაში აფხაზეთში კორონავირუსზე ტესტირება 637 ადამიანს ჩაუტარდა და გამოვლინდა ინფიცირების 160 ახალი შემთხვევა.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
ამავე კატეგორიაში
დღის სიახლეები
17 / ოქტომბერი 2021
30 ოქტომბერს 15 მუნიციპალიტეტში, მათ შორის, ზუგდიდში, ხობში, სენაკში, მარტვილსა და ჩხოროწყუში თვითმმართველობის არჩევნების მეორე ტური გაიმართება.
17 / ოქტომბერი 2021
სინოპტიკოსები საქართველოში ამინდის გაუარესებას პროგნოზირებენ. გარემოს ეროვნული სააგენტოს ინფორმაციით,
17 / ოქტომბერი 2021
Stopcov.ge-ზე გამოქვეყნებული ინფორმაციის თანახმად, ბოლო დღე-ღამეში გამოვლინდა ინფიცირების 4 581 ახალი შემთხვევა,
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 16 °C
img
სოხუმი 16 °C
img
ფოთი 18 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.