რუსეთის ფედერაციის ცენტრალური საარჩევნო კომისიის მონაცემებით, ოკუპირებულ აფხაზეთში ვლადიმერ პუტინს ხმა 38 945-მა ადამიანმა მისცა. რუსეთის მოქმედმა პრეზიდენტმა ხმების თითქმის 94% მიიღო. 2018 წელთან შედარებით პუტინისთვის მიცემული ხმების რაოდენობა 482-ით შემცირდა.

რუსეთის საპრეზიდენტო არჩევნების დღეს ოკუპირებულ აფხაზეთში 30 საარჩევნო უბანი გაიხსნება, მათგან უმეტესობა სოხუმში (7), დანარჩენები კი გაგრის (5), გუდაუთის (6), სოხუმის (2), გულრიფშის (3), ოჩამჩირის (5), ტყვარჩელისა (1) და გალის (1) რაიონებში მოეწყობა.

სოხუმში დაბადებულმა, 44 წლის ალექსანდრე სუსლოვმა, რუსეთის საპრეზიდენტო არჩევნებში საკუთარი კანდიდატურის დასაყენებლად 500 ხელმოწერა ვერ შეაგროვა, წერს „ეხო კავკაზა“, გამოცემა SOTA - ზე დაყრდნობით.