საქართველოს ფინანსთა მინისტრმა ნოდარ ხადურმა გადაცემა „2030“-ში განაცხადა, რომ საშუალო ვადიან პერიოდში ეროვნული ვალუტა სერიოზულად გამყარდება.

მისივე თქმით, რეგიონში რთული ვითარებაა, შარშან ამ დროს ვერავინ წარმოიდგენდა, რომ აზერბაიჯანში ასეთი მდგომარეობა შეიქმნებოდა. რუსული რუბლი სამჯერ გაუფასურდა, ლირა-ორჯერ და მეტად, ასევეა მანათიც.
„საგარეო ფაქტორები ერთია, მაგრამ არსებობს საშინაო ფაქტორებიც. ყველაფერს ვაკეთებთ, რომ საქართველო ინვესტიციების პლაცდარმი გახდეს. მთავრობის სხდომაზე გავიტანეთ ორი საკითხი. ერთ შემთხვევაში, ესაა 40 მილიონი, რომელიც 260 კილომეტრი გზის რეაბილიტაციას მოხმარდება და მეორე - 4 მილიარდ 410 მილიონი იაპონური იენის ინვესტიცია, რომელსაც საგზაო ინფრასტრუქტურის გასაუმჯობესებლად მივიღებთ. საერთაშორისო საფინანსო ორგანიზაციები მზად არიან, ავტობანის მშენებლობისთვის 800 მილიონი დოლარის ინვესტიცია განახორციელონ“,- აღნიშნა ხადურმა.