პანამის დოკუმენტების ახალი მონაცემები ცნობილი გახდა. სია, რომელიც მთელ მსოფლიოში ერთდროულად გამოქვეყნდა იმ ბიზნესმენების, პოლიტიკოსების და ცნობადი სახეების კუთვნილ კომპანიებს მოიცავს, რომლებიც ოფშორულ ზონებშია რეგისტრირებული.

სიაში ახალი მონაცემებით 85 ქართული გვარი ფიგურირებს, რომელთა შორის არჩილ კბილაშვილი, ვანო ჩხარტიშვილი, ზაზა ოქრუაშვილი, კობა ნაყოფია და დავით იაკობაშვილი არიან.

მასალა გამომძიებელ ჟურნალისტთა საერთაშორისო კონსორციუმმა 82 ქვეყნის 110-ზე მეტ მედია პარტნიორს გაუზიარა, მათ შორის ორგანიზებული კრიმინალისა და კორუფციის კვლევის პროექტს, რომლის წარმომადგენლებმაც პანამის დოკუმენტების ბოლო მონაცემები ჟურნალისტებს გააცნეს.

"როგორც წესი, ოფშორულ ზონაში ფლობენ კომპანიას იმიტომ, რომ თავი აარიდონ გადასახადებს"  - განაცხადა ორგანიზებული კრიმინალისა და კორუფციის გაშუქების პროექტის ჟურნალისტმა, ნინო ბაქრაძემ.