ზუგდიდის დემოკრატიული ჩართულობის ცენტრში დღეს პოლიტიკურმა პარტიებმა
და არასამთავრობო
ორგანიზაციებმა საქართველოში არსებულ ნარკოპოლიტიკაზე იმსჯელეს.
აღნიშნულთან დაკავშირებით მოხსენება საიას ზუგდიდის ოფისის
ხელმძღვანელმა მიხეილ ჯახუამ და ასოციაცია "ქსენონის" წარმომადგენელმა
დავით დგებუაძემ გააკეთეს.
მიხეილ ჯახუას თქმით, შეიძლება ეს საკითხი არ იყოს პოპულარული, თუმცა
საზოგადოებისთვის მნიშვნელოვანი თემაა, ასევე საინტერესოა პოლიტიკური
პარტიების შეხედულებები და გეგმები ამ პრობლემასთან დაკვაშირებით.
საიას ხელმძღვანელს არასწორად მიაჩნია ხელისუფლების მიდგომა
ნარკოპოლიტიკის მიმართ და მოუწოდებს, რომ შეცვალოს დღეს მოქმედი
რეპრესიული დამოკიდებულება და ის უფრო ჰუმანური გახადოს.
რეპრესიულ ნარკოპოლიტიკაზე საუბრობს ასოციაცია "ქსენონის"
წარმომადგენელი დავით დგებუაძეც.
„ჩვენი ორგანიზაცია მუშაობს მეორად პრევენციაზე, რაც ზიანის
შემცირებას გულისხმობს. ნარკოდამოკიდებული პირების მომართვიანობა
დიდია, მაგრამ არსებული ნარკოპოლიტიკა ხელისშემშლელია,“ -აღნიშნა
მან.
ქალაქ ზუგდიდის საკრებულოს თავმჯდომარის მერაბ ქვარაიას განცხადებით,
პოლიტიკას, რომელსაც სახელმწიფო ატარებს დაიხვეწება და გამოსწორდება
ის საკანონმდებლო ხარვეზები რაც არსებობს.
"საქართველოს რესპუბლიკური პარტიის" წარმომადგენლის ნიკოლოზ
ზარქუასთვის ყოვლად დაუშვებელია უმიზეზოდ ადამიანების დაკავება და
ნარკოლოგიურში გადაყვანა. მისი აზრით, სახელმწიფო უნდა ფიქრობდეს
ინდივიდებზე, რაც შეეხება მარიხუანას მოხმარებისთვის ადამიანი ციხეში
არ უნდა იჯდეს.
ფრაქცია „ერთიანი ნაციონალური მოძრაობის“ წევრის ლელა ქებურიას თქმით,
სახელმწიფომ უკვე გაიარა ეტაპი, როდესაც საჭირო იყო ამ კუთხით მკაცრი
პოლიტიკის გატარება და ახლა დროა ხელისუფლებამ ლიბერალური მიდგომები
განახორციელოს.
აფხაზეთის თვითგამოცხადებული რესპუბლიკის პრეზიდენტმა ასლან ბჟანიამ ე.წ. საგარეო საქმეთა მინისტრი, ინალ არძინბა, თანამდებობიდან გაათავისუფლა. განკარგულებას ხელი დღეს, 7 მაისს მოეწერა. გათავისუფლების მიზეზი არ სახელდება. დოკუმენტში ნათქვამია, რომ ე.წ. საგარეო საქმეთა მინისტრის მოვალეობას მისი მოადგილე, ირაკლი ტუჟბა შესარულებს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები