ახალი ამბები
გიგი უგულავამ ზუგდიდში წინასაარჩევნო კამპანია დაიწყო (ვიდეო)
"ევროპული საქართველოს" მაჟორიტარი დეპუტატობის კანდიდატი ზუგდიდში გიგი უგულავა ამომრჩევლებს და მხადამჭერებს პარტიის ოფისში შეხვდა. მან შეკრებილებს უთხრა, რომ ის აქ გამარჯვებისთვის ჩამოვიდა და ერთი ადამიანის, ბიძინა ივანიშვილის წინააღმდეგ უნდა იბრძოლონ.
"ჩვენი მთავარი სამიზნე და ზუგდიდელების მთავარი სამიზნე, ისევე როგორც საქართველოს ყველა მოქალაქის, არის ერთი ადამიანი, უნდა ვიბრძოლოთ ერთად ერთის წინააღმდეგ, ამ ადამიანის სახელი არის ივანიშვილი. მან მიიტაცა ჩვენი ქვეყანა, მან მიიტაცა ზუგდიდი, სამეგრელო და მთავარი პოლიტიკური ამოცანა არის სწორედ ის რომ ხელიდან ამოვაცალოთ ამ რუს ოლიგარქს პირველ რიგში ზუგდიდი, სამეგრელო და შემდეგ მთელი ქვეყანა. მე ვარ ამისთვის მზად, ვთვლი, რომ ზუგდიდში იქნება ერთ-ერთი მთავარი ასპარეზი, იმიტომ, რომ ყველა ხელისუფლებას ესმის, რომ ზუგდიდში გამარჯვება ნიშნავს, ადრე თუ გვიან, ხელისუფლებაში მოსვლას, ისევე როგორც ზუგდიდში დამარცხება ნიშნავს, ადრე თუ გვიან, ხელისუფლების დაკარგვას. ამიტომ ივანიშვილი აქ ყველა სიბინძურეზე წავა, მე მაქვს მასთან ბრძოლის გამოცდილება, აბსოლუტურად არაძალადობრივი, მე რამდენჯერმე მას ვყავდი პირად პატიმრად, მაგრამ საბოლოო ჯამში სანთელ-საკმეველი გზას ყოველთვის იკვალავს და გამარჯვება ყოველთვის ხდება იქ, სადაც არის სიმართლე. სიმართლე არის ის, რომ ივანიშვილმა გადააგდო მთელი ქვეყანა და ახლა ჯერი ჩვენზეა, ჩვენ უნდა მოვიშოროთ ივანიშვილი და აქედან დაიწყება პირველ რიგში სწორედ ეს. ვთვლი, რომ ვინც არ უნდა დადგეს, მე ვიქნები ოპოზიციის მთავარი კანდიდატი ზუგდიდში. მინდა მოვუწოდო კოლეგებს, ბუნებრივია, მხარდაჭერისკენ, მაგრამ ასევე ბუნებრივია, მზად ვარ კონკურენციისთვის", - თქვა უგულავამ.

ის ზუგდიდელებს ცვლილებებს და კეთილდღეობას ჰპირდება.

"ზუგდიდელებს სჭირდებათ მშვიდობა და კეთილდღეობა. ამ ყველაფრის გასაღები არის ცვლილებებში. ცვლილებების გარეშე ჩვენ ეკონომიკას ვერ დავძრავთ ადგილიდან. განსაკუთრებით ამ პოსტ-პანდემიურ პირობებში, ამიტომ, ცვლილებები არის პირველი საფუძველი იმისა, რომ ეს ჭაობი დაიძრას, გაიწოვოს, ქვეყანა გავიდეს სამშვიდობოს", - აღნიშნა მან.

„ევროპულმა საქართველომ“ მაჟორიტარი დეპუტატობის კანდიდატების ნაწილი 3 აგვისტოს თბილისში, 9 აპრილის ბაღში გამართულ ღონისძიებაზე წარადგინა.

Print Email
FaceBook Twitter
რ ე კ ლ ა მ ა
ზუგდიდში თანამედროვე სტანდარტის შესაბამისი ავტოპარკი შენდება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი პროგრამა "აწარმოე საქართველოში" ბენეფიციარს მარინა ქარდავას და ახალგაზრდა მეწარმეს ირაკლი ჩიქავას ესტუმრა,
გაეროს 75-ე გენერალურ ასამბლეაზე საქართველოს პრემიერ მინისტრის მიმართვას ზუგდიდის მაჟორიტარი დეპუტატობის კანდიდატი ირაკლი ჩიქოვანი
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით ქალი, რომელსაც კორონავირუსი გუშინ დაუდასტურდა და ამ დრომდე სახლში 2 ბავშვთან ერთად იმყოფებოდა,
გუდაუთის საავადმყოფოში გასული 24 საათის განმავლობაში კიდევ ერთი კოვიდდადასტურებული პაციენტი გარდაიცვალა,
ქუთაისის ინფექციურ საავადმყოფოში კორონავირუსით პაციენტი გარდაიცვალა. 59 წლის ქალი ბათუმიდან იყო გადაყვანილი.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
26 / სექტემბერი 2020
ზუგდიდში თანამედროვე სტანდარტის შესაბამისი ავტოპარკი შენდება.
26 / სექტემბერი 2020
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი პროგრამა "აწარმოე საქართველოში" ბენეფიციარს მარინა ქარდავას და ახალგაზრდა მეწარმეს ირაკლი ჩიქავას ესტუმრა,
26 / სექტემბერი 2020
ზუგდიდის საზოგადოებრივი ჯანდაცვის ცენტრის ინფორმაციით ქალი, რომელსაც კორონავირუსი გუშინ დაუდასტურდა და ამ დრომდე სახლში 2 ბავშვთან ერთად იმყოფებოდა,
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 20 °C
img
ფოთი 21 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.