ახალი ამბები
ზუგდიდის საკრებულოს ოპოზიციონერი დეპუტატები "ევროპული საქართველოს“ შეფასებებს მიზანმიმართულ დისკრედიტაციად აფასებენ
პარტია "საქართველოსთვის" წევრი და ზუგდიდის საკრებულოს თავმჯდომარე გიგა ფარულავა ამბობს, რომ აკაკი ბობოხიძის მიერ გაკეთებული ბოლო განცხადება, რომელშიც ის ზუგდიდის ოპოზიციურ საკრებულოს უმოქმედობაში ადანაშაულებს, მიზანმიმართული დისკრედიტაციის მცდელობაა.

"ბოლო ათი წლის განმავლობაში პირველად შეიზღუდა "ქართული ოცნების" ძალაუფლების შეზღუდვა თვითმმართველობის არჩევნების შემდეგ, ოპოზიციური საკრებულოები დემოკრატიულ მოდელად ჩამოყალიბდა და ამ მოცემულობაში და ამ ფონზე ამ საკრებულოების დისკრედიტაცია ვის ინტერესებშია, საზოგადოება ძალიან მარტივად დაასკვნის და გაანალიზებს,"- უთხრა რადიო "ათინათს" გიგა ფარულავამ.
ზუგდიდის საკრებულოს თავმჯდომარის მოადგილე ენმ-დან თემურ ბასილაია ფიქრობს, რომ გიგა ბოკერიას გუნდს სხვა პარტიების რევიზიის უფლება არ აქვს. "ევროპული საქართველოს" წევრების მიერ გაკეთებულ განცხადებას ბასილაიაც დისკრედიტაციის მცდელობად აფასებს.
"დროებითმა ჯგუფმა 6 თვე იმუშავა ზუგდიდის საკრებულოში და დადო საბოლოო ანგარიში, რომელიც გავრცელდა სოციალურ ქსელში, ასევე გაეცნენ ადგილობრივი არასამთავრობო ორგანიზაციები. ბატონი ბოკერიას და ბობოხიძის განცხადება რას ემსახურება, ჩემთვის ეჭვებს ბადებს. შიდა პარტიული არჩევნები გვაქვს და შეიძლება ამასთან იყოს ბმაში. საბიუჯეტო - საფინანსო კომისიამ ცალკე გააკეთა მოსმენები მერიის ყველა ქვემდებარე სტრუქტურის, მათ შორის ფინანსურ პრობლემებთან და ხარვეზებთან დაკავშირებით. ბატონ ბოკერიას და მის მეგობრებს საერთოდ ვინ დაავალა სხვა პარტიების რევიზია,"- უთხრა რადიო "ათინათს" ნაციონალური მოძრაობის წევრმა თემურ ბასილაიამ.

"ევროპული საქართველოს" ოფისში გამართულ ბრიფინგზე პარტიის წევრებმა განაცხადეს, რომ ზუგდიდის ოპოზიციურ საკრებულოს მერიისა და მისი სტრუქტურული ერთეულების სარევიზიო საქმიანობა არ განუხორციელებია.

ზუგდიდის საკრებულოში "ნაციონალური მოძრაობის" 21 წევრი,პარტია "საქართველოსთვის" 3 წარმომადგენელი და "ქართული ოცნების" 20 დეპუტატია წარმოდგენილი.

ამავე თემაზე :


ზუგდიდის ოპოზიციურ საკრებულოს "ევროპული საქართველო" არაეფექტურ მუშაობაში ადანაშაულებს



Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ამავე კატეგორიაში
დღის სიახლეები
28 / თებერვალი 2024
აფხაზეთის დე ფაქტო რესპუბლიკის „აღმასრულებელმა ხელისუფლებამ“  წინასწარ უნდა აცნობოს ე.წ. პარლამენტს საერთაშორისო ხელშეკრულების ხელმოწერის განზრახვის შესახებ.
28 / თებერვალი 2024
ნიკო დადიანის სასახლის სამეჯლისო დარბაზში გაიხსნა სერგეი პროკუდინ გორსკის ფერადი ფოტოების გამოფენა.
28 / თებერვალი 2024
До поступления на магистерскую программу по бизнес администрированию, решил заняться карьерой и накопив определенный опыт, получил полное финансирование для обучения в Университете Северной Каролины, в Чапел-Хилл.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 2 °C
img
სოხუმი 5 °C
img
ფოთი 6 °C
img
მესტია -7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.