ახალი ამბები
გამოკითხული საქართველოს მოქალაქეების 89 %-ს ევროკავშირში ქვეყნის გაწევრიანება სურს - კვლევა
საერთაშორისო რესპუბლიკური ინსტიტუტის მიერ ჩატარებული კვლევის თანახმად, გამოკითხული რესპონდენტების 89 %-ს საქართველოს ევროკავშირში გაწევრიანება სურს, აღნიშნული მაჩვენებელი კი ისტორიული მაქსიმუმია. ამავე კვლევით, 79 % წინააღმდეგია რუსეთის მოქალაქეების საქართველოში ყოფნით, მათ მიერ ბიზნესის რეგისტრაციის, ქონების შეძენისა და უვიზოდ შემოსვლის უფლების.

ამასთან, IRI-ის კვლევის შედეგების თანახმად, გამოკითხულთა 42 % ამბობს, რომ არცერთი პოლიტიკური პარტია არ გამოხატავს მათ ინტერესს, 78 %-ს სურს, რომ პოლიტიკაში მეტი ახალგაზრდა იყოს.

კითხვაზე, ხვალ რომ არჩევნები იყოს, რომელ პოლიტიკურ პარტიას მისცემდით ხმას, გამოკითხულთა 19% „ქართულ ოცნებას“ ასახელებს, 14% - „ერთიან ნაციონალურ მოძრაობს“, 3% გიორგი გახარიას პარტიას „საქართველოსთვის" დაუჭერდა მხარს, ასევე 3% - ზურაბ ჯაფარიძის „გირჩი - მეტი თავისუფლებას“.

გამოკითხულთა 2-2%-მა თქვა, რომ ხმას „ლეიბორისტულ პარტიას“, „ლელოს“, „გირჩს“, „სტრატეგია აღმაშენებელს“, „ხალხისთვის“, „მოქალაქეებს“ მისცემდა, 1% მხარს „კონსერვატიულ მოძრაობა - ალფ ინფოს“ დაუჭერდა, ასევე, 1% - „დროას“, 1% - „ევროპულ საქართველოს“, 1% - „პატრიოტთა ალიანსს“, 1%-„ხალხის ძალას“, 1%- სხვა პარტიას, გამოკითხულთა 5% განაცხადა, რომ ხმას არავის არ მისცემს, 20 %-მა განაცხადა, რომ არ იცის ვის მისცემდა ხმას.


ამავე დოკუმენტით, გამოკითხულთა 91 % პატრიარქს - ილია მეორეს ენდობა, 52 % - თბილისის მერს, საქართველოს პრეზიდენტი კი ამ პუნქტში 48 %-ით მესამე ადგილს იკავებს.

გამოკითხულთა 77 %-ს მოსწონს ჯარის საქმიანობა, საპატრიარქოს საქმიანობას დადებითად 72 % აფასებს, ქართული პოლიციის მუშაობას კი - 63%.

აღნიშნულ რეიტინგში მეოთხე ადგილს იკავებს მედია, რომლის საქმიანობით 62 %-ია კმაყოფილი, გამოკითხულთა 57%-ს მოსწონს ადგილობრივი ხელისუფლების საქმიანობა.

საერთაშორისო რესპუბლიკური ინსტიტუტის ინფორმაციით, კვლევა 2023 წლის 4-23 მარტი პერიოდში ჩატარდა.

კვლევის საველე სამუშაოები IPM-მა შეასრულა და მონაცემებიპირისპირ ინტერვიუს გზით შეგროვდა. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. ცდომილების ზღვარი +/- 2.5 %-ს წარმოადგენს, გამოპასუხების მაჩვენებელი - 63%-ს.

Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ამავე კატეგორიაში
დღის სიახლეები
20 / ივნისი 2024
ზუგდიდის მუნიციპალიტეტის მერიამ მოწყვლადი ჯგუფებისთვის დაფნის ბაღების მოსაშენებლად 20 000 ლარი გამოყო.
20 / ივნისი 2024
მუხურის თაფლის-ლეუკუნეს ჯარების ბიომეურნეობა ბიო-სერტიფიცირებულია. ამის შესახებ ინფორმაციას ფეისბუქზე ფოტოგრაფი რომან თოლორდავა ავრცელებს.
20 / ივნისი 2024
ეკონომიკის მინისტრის ლევან დავითაშვილის განცხადებით, ანაკლიის ღრმაწყლოვანი პორტის პროექტში სხვადასხვა პარტნიორისგან შემდგარი კონსორციუმი ითანამშრომლებს სახელმწიფოსთან, ხოლო გამარჯვებულად ჩინური კომპანიის
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 26 °C
img
სოხუმი 25 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.