ახალი ამბები
გია ხარჩილავა წალენჯიხის მერიის ორი თანამშრომლის დაკავებას სუს-ის სადამსჯელო ოპერაციას უწოდებს
„ქართული ოცნება კაგებეშნიკური მეთოდებით განაგრძობს ერთადერთი ოპოზიციური მუნიციპალიტეტის გაშავებას და საზოგადოებაში მცდარი აზრის დამკვიდრებას“, - ამის შესახებ წალენჯიხის მერმა გია ხარჩილავამ გამართულ შეხვედრაზე განაცხადა.

მისი თქმით, "ქართულმა ოცნებამ" გაწირა წალენჯიხის მერიის ორი თანამშრომელი, მხოლოდ იმისთვის, რომ ოპოზიციური მერიის დისკრედიტაცია მოეხდინა.

„ჩვენ კატეგორიულად ვგმობთ დანაშაულს, მზად ვართ და ვალდებულებიც ვართ, ვითანამშრომლოთ საგამოძიებო ორგანოებთან და ამისათვის ყველაფერს ვაკეთებთ, თუმცა ჩვენთვის მიუღებელია დანაშაულის პრევენციის ნაცვლად მოხდეს დანაშაულის პროვოცირება. ხსენებული მიწის ნაკვეთი წარმოადგენს მუნიციპალურ საკუთრებას, მაგრამ მისი გასხვისების პროცედურა არ დაწყებულა. არ არსებობს აქტი, ინიციატივა ან ხელმოწერა, რომლის თანახმადაც იგეგმებოდა მიწის გასხვისება. აღსანიშნაცია ის ფაქტიც, რომ მხოლოდ რიგით თანამშრომელს არ შეუძლია მუნიციპალური უძრავი ქონების გასხვისება. ამისათვის საჭიროა საკრებულოს თანხმობა და შემდგომ უკვე ელექტრონული აუქციონის გამართვა. ამ პროცესში კი მერიის ჩართულობა სრულიად გამორიცხულია. ჩვენ გვაქვს ფაქტი ქრთამის აღების, მაგრამ საქმეში არ ფიგურირებს ქრთამის მიმცემი, რომელიც ისეთივე დამნაშავეა კანონის წინაშე, როგორც ქრთამის ამღები. ჩვენ ველოდებოდით სასამართლოს გადაწყვეტილებას, შევაჯერეთ ფაქტები და გამოიკვეთა, რომ ამ ადამიანებთან მუშაობდა სპეცაგენტი. ვგმობთ, კატეგორიული წინააღმდეგი ვარ ნებისმიერი ქრთამის გამოვლინების სახელმწიფო სტრუქტურებში, მაგრამ ვიმეორებ პრევენცირების ნაცვლად პროვოცირება იმას ნიშნავს, რომ ყველაფერი მზადდებოდა წალენჯიხის მერიის გაშავებისთვის “,- აღნიშნა ხარჩილავამ.

საუბრის დასასრულს მან აღნიშნა რომ, მიუხედავად „კაგებეშნიკური“ მეთოდებისა, წალენჯიხის მერია და წალენჯიხის გზა აუცილებლად „გაიმარჯვებს“.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა წალენჯიხის მერიის ორი თანამშრომელი 26 თებერვალს დააკავეს.

მათ ბრალდება საქართველოს სისხლის სამართლის კოდექსის 338-ე მუხლის მე-2 ნაწილის "ბ" და "გ" (მოხელის მიერ წინასწარი შეთანხმებით ჯგუფურად დიდი ოდენობით ქრთამის აღება) ქვეპუნქტებით წარედგინათ, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.

ამავე თემაზე:

ქრთამის აღებისთვის დაკავებულ წალენჯიხის მერიის თანამშრომლებს ბრალი წარედგინათ - პროკურატურა

ეს გახლავთ ამ წლებში ერთეული, ერთადერთი ფაქტი - წალენჯიხის მერი ქრთამის აღებისთვის დაკავებულებზე

წალენჯიხაში მერიის ერთ-ერთი სამსახურის უფროსი ქრთამის აღებისთვის დააკავეს
Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
ამავე კატეგორიაში
დღის სიახლეები
17 / აპრილი 2024
ზუგდიდის მუნიციპალიტეტის მერიის წინ მოქალაქეებმა, აქტივისტებთან და ორგანიზაციების წარმომადგენლებთან ერთად, ე.წ უცხოელი აგენტების კანონის პარლამენტში პირველი მოსმენით მიღება გააპროტესტეს.
17 / აპრილი 2024
საქართველოს პარლამენტში "აგენტების კანონს" კანონპროექტის 83 მხარდამჭერიდან ზუგდიდელი, ხობელი და ფოთელი დეპუტატებიც არიან.
17 / აპრილი 2024
საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით რამდენიმე წუთის წინ მიიღო.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 21 °C
img
სოხუმი 17 °C
img
ფოთი 20 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.