საქართველოს სახალხო დამცველის 2023 წლის საპარლამენტო ანგარიშის მიხედვით, კონფლიქტის ზონაში გრძელდება მოქალაქეთა უკანონო დაკავებებისა და არასათანადო მოპყრობის პრაქტიკა.

დოკუმენტში მითითებულია, რომ ქართველ მოსახლეობას არ ეძლევა მშობლიურ ენაზე განათლების მიღების შესაძლებლობა, სახელმწიფოს მხრიდან კი უფრო მეტი ძალისხმევაა საჭირო ოკუპაციის შედეგად საკუთარ ქვეყანაში დევნილად ქცეული მოსახლეობის უფლებების დასაცავად.

"საოკუპაციო რეჟიმის მიერ თამაზ გინტურის მკვლელობასა და დავით ბაშარულის, გიგა ოთხოზორიას, არჩილ ტატუნაშვილის და ირაკლი კვარაცხელიას მკვლელობის უშუალო მონაწილეთა დაუსჯელობას, რაზეც პასუხისმგებლობა რუსეთის ფედერაციას ეკისრება", - წერია სახალხო დამცველის ვებ გვერდზე.

ანგარიშში ასევე აღნიშნულია უკანონო პატიმრობის შემთხვევები, საკუთრების უფლების დარღვევა და თითქმის უწყვეტი უკანონო "ბორდერიზაცია."

ომბუდსმენის უწყება აცხადებს, რომ ურთულესია საოკუპაციო ხაზთან მცხოვრები ქალების უსაფრთხოებისა და ჯანმრთელობის მდგომარეობა, ქალთა მიმართ და ოჯახში ძალადობა; საბაზისო სერვისების შესახებ ინფორმაციის არქონა.