2024 წლის იანვარ- მაისის მონაცემებით, საქართველოდან საქონლის ექსპორტის მოცულობამ 2 274.0 მლნ დოლარი შეადგინა, რაც 9.2 პროცენტით ნაკლებია გასული წლის შესაბამის მაჩვენებელზე. ამის შესახებ საქსტატის მიერ გამოქვეყნებულ დოკუმენტში ვკითხულობთ.

მათივე განმარტებით, ქვეყნის ჯგუფებს შორის, ექსპორტის ყველაზე დიდი წილი, 66.8% დსთ-ის სახელმწიფოებზე მოდის. იმპორტში კი ევროკავშირის სახელმწიფოებზე 26.5%, დსთ-ზე - 21.2%, დანარჩენ ქვეყნებზე - 52.3% ნაწილდება.

უმსხვილესი სავაჭრო საქონლების კატეგორიაში ლიდერობენ: მსუბუქი ავტომობილები, ნავთობი და ნავთობპროდუქტები, სამკურნალო საშუალებები დაფასოებული, ნავთობის აირები და სხვა აირისებრი ნახშირწყალბადები, ყურძნის ნატურალური ღვინოები, ფეროშენადნობები, სპირტიანი სასმელები, ძვირფასი ლითონების მადნები, კონცენტრატები, მინერალური და მტკნარი წყლები, აზოტოვანი სასუქები, გამომთვლელი მანქანები და მათი ბლოკები, სატელეფონო აპარატები, სატვირთო ავტომობილები.

საქართველოს ეკონომიკური პარტნიორი ქვეყნების ათეულში კი არიან: თურქეთი, რუსეთი, აშშ, ჩინეთი, გერმანია, აზერბაიჯანი, იტალია, იაპონია, ჰონ-კონგი, საფრანგეთი.