სოხუმში ოპოზიციური ძალების ნაწილი „საინვესტიციო პროექტების განხორციელების შესახებ“ რუსულ-აფხაზური შეთანხმების ხელმოწერას აკრიტიკებს.
ისინი მიიჩნევენ, რომ შეთანხმება "ოლიგარქიის გაფართოებას" გამოიწვევს. 

ადგურ არძინბა, „აფხაზეთის სახალხო მოძრაობის“ ლიდერი, აბობს, რომ დოკუმენტმა "ფართო რეზონანსი და მწვავე კრიტიკა“ გამოწვია საზოგადოებაში, მისივე თქით, ის "უარყოფითად აღიქვეს ექსპერტებმა“, ხოლო ე.წ. პარლამენტში, დღესაც მწვავე დებატები მიმდინარეობს საკითხის გარშემო.

არძინბას თქმით, მათ ახლა მხოლოდ „პარლამენტის დეპუტატების წინდახედულობისა და სიმტკიცის იმედი“ აქვს.

„ჩვენ დავდგებით მათ გვერდით, ვინც არ დაუშვებს მორიგი ანტიხალხური ინიციატივის გატარებას“, - წერს ის ტელეგრამის არხზე.
განცხადებები სხვა ოპოზიციურმა პარტიებმა და მოძრაობებმაც გააკეთეს.

„ვთვლით, რომ ხელშეკრულების ხელმოწერა, ცინიკურ დარტყმაა, აფხაზეთში არსებული არამყარი პოლიტიკური სიტუაციის პირობებში და ხალხისთვის ზურგში დანის ჩარტყმის ტოლფასი“, - ნათქვამია განცხადებაში.

სოხუმმა მოსკოვის მიერ მოთხოვნილ კიდევ ერთ შეთანხმებას 30 ოქტომბერს მოაწერა ხელი. ამის შემდეგ, დოკუმენტის რატიფიცირება თვითგამოცხადებული რესპუბლიკის ე.წ. პარლამენტშმა უნდა მოახდინოს.

ცნობისთვის, 1 სექტემბერს რუსეთმა შეაჩერა ოკუპირებული აფხაზეთის ბიუჯეტის დაფინანსება, მათ შორის, ამ დოკუმენტის დამტკიცების მოთხოვნით.