„ახლა აფხაზეთში არ ვარ, რამდენიმე დღით მიფრინავ მოსკოვში“, - ამის შესახებ რუსულ „ტასს“ დე ფაქტო რესპუბლიკის ყოფილმა „პრეზიდენტმა“ ასლან ბჟანიამ განუცხადა.

ე.წ. პარლამენტმა ბჟანიას გადადგომას 19 ნოემბერს დაუჭირა მხარი, რასაც წინ უსწრებდა ოპოზიციური ძალების პროტესტი. 

ცნობისთვის,15 ნოემბერს, "დეპუტატებს" მოსკოვსა და სოხუმს შორის საინვესტიციო შეთანხმების რატიფიცირების საკითხი აუნდა განეხილათ, თუმცა სხდომა ჩაიშალა.

ოპოზიციის მხარდამჭერებმა, თავდაპირველად, რუსეთთან შეთანხმების გაუქმება მოითხოვეს, შემდეგ კი სოხუმში, „სამთავრობო შენობები“ ასევე, „პრეზიდენტის“ ადმინისტრაცია დაიკავეს და ასლან ბჟანიას გადადგომა მოითხოვეს.

ე.წ. ხელისუფლებასა და ოპოზიციას შორის მოლაპარაკებების გამართვის შემდეგ, 19 ნოემბერს, ასლან ბჟანია „თანამდებობიდან“ გადადგა, სანაცვლოდ კი, დემონსტრანტებმა „სამთავრობო“ შენობები დატოვეს.

აფხაზი ოპოზიციონერები მოითხოვენ, რომ დე ფაქტო რესპუბლიკის ე.წ. პარლამენტმა განსახილველად გაიტანოს და „წერტილი დასვას“ რუსეთთან საინვესტიციო შეთანხმების საკითხში.

„პრეზიდენტის“ მოვალეობას „ვიცე-დროებით „ვიცე - პრეზიდენტი“ ბადრა გუნბა ასრულებს, ხოლო ალექსანდრე ანქვაბის ნაცვლად „პრემიერის“ პოსტი დროებით ვალერი ბგანბამ დაიკავა.

გავრცელებული ინფორმაციით, ოკუპირებულ აფხაზეთში ვადამდელი „საპრეზიდენტო“ არჩევნები, შესაძლოა, 2025 წლის 15 ან 16 თებერვალს ჩატარდეს.

გადადგომის შემდეგ ბჟანიამ განაცხადა, რომ სავარაუდოდ, „საპრეზიდენტო“ არჩევნებში მონაწილეობას მიიღებს.