23 თებერვალს, სოხუმში, რუსეთიდან პირველად, „გამარჯვების მატარებელი“ ჩავა. ინფორმაციას აფხაზეთის დე ფაქტო რესპუბლიკის „კულტურის სამინისტროს“ პრესსამსახური ავრცელებს.
მათივე ცნობით, ეს არის „უნიკალური ინტერაქტიული მუზეუმი ბორბლებზე, გამოფენა, რომელიც დამთვალიერებლებისთვის ღია იქნება 2025 წლის 23 - დან 25 თებერვლის ჩათვლით.

მასში აღნიშნულია, რომ გამოფენა „ხელს შეუწყობს დიდი სამამულო ომის ისტორიული მეხსიერების შენარჩუნებას“. აქვე აღნიშნულია, რომ „მუზეუმის“ მუშაობა „დიდ სამამულო ომში" გამარჯვების 80 წლისთავს ეძღვნება". 

"გამარჯვების მატარებლის ნულოვანი ვაგონში წარმოდგენილი იქნება მულტიმედიური გამოფენა აფხაზეთიდან დიდი სამამულო ომის გმირების ღვაწლის შესახებ. ის სპეციალურად მომზადდა აფხაზეთში მატარებლის პირველი ჩასვლისთვის. ვიზიტორები გაეცნობიან ვეტერანთა ისტორიებს. მათ შორისაა ალექსეი ლასურია, რომელიც ახლახან სოხუმში ცხოვრობს და ცოტა ხნის წინ 100 წლის იუბილე აღნიშნა" , -ვკითხულობთ ინფორმაციაში. 

ამავე ცნობით, 26 თებერვალს „გამარჯვების მატარებელი“ გაჩერდება ქალაქ გუდაუთაში, სადაც „მუზეუმი“ რკინიგზის სადგურზე 10:00 საათიდან 18:00 საათამდე იმუშავებს.