არჩევნები
"ოცნების" შემაჯამებელი ბრიფინგი ზუგდიდში განვითარებულ საარჩევნო პროცებზე
"ქართული ოცნების" ზუგდიდის შტაბში საარჩევნო პროცესებთან დაკავშირებით შემაჯამებელი ბრიფინგი გაიმართა. შტაბის ხელმძღვანელის ირაკლი ჩიქოვანის შეფასებით, მათმა კანდიდატმა გიორგი (გეგა) შენგელიამ ღირსეული კამპანია აწარმოა. ის თვლის, რომ ოპონენტების მხრიდან არაერთი პროვოკაციული ქმედების მიუხედავად, შენგელიას წითელი ხაზი არასოდეს გადაუკვეთავს.

"ვინაიდან "ნაციონალურმა მოძრაობამ" ზუსტად იცის, რომ ზუგდიდში არჩევნებს აგებს, მათი ერთადერთი მიზანი ამ ეტაპისთვის არის არჩევნების ჩაშლა. ამას ცდილობენ ვითარების ხელოვნურად დაძაბვით და ტემპერატურის მაქსიმალურად აწევით. სწორედ ამიტომ, მთელი საარჩევნო პერიოდის განმავლობაში, "ნაციონალური მოძრაობის" ყველა ქმედება დესტრუქციისა და საარჩევნო პროცესის დისკრედიტაციისკენ იყო მიმართული", - თქვა ჩიქოვანმა.

ის ამბობს, რომ  არჩევნების ჩაშლისა და არეულობის მოწყობის მიზნით, ოპოზიციას ცნობილი ზონდერ-ლიდერების სრული მობილიზაცია აქვს გამოცხადებული და საქართველოს სხვადასხვა რეგიონიდან, ზუგდიდში, ასობით ზონდერ-აქტივისტი ჰყავს ჩამოყვანილი. 

"მათ ღიადაც განაცხადეს, რომ ზუგდიდში 5000 აქტივისტის მობილიზებას აპირებენ. ჩვენი ინფორმაციით, ისინი სხვადასხვა საფარქვეშ, დამკვირვებლის სტატუსით, საარჩევნო უბნებზე 3000 აგრესიული პირის ჩანერგვას გეგმავენ, რომელთა რეალური დავალება არა საარჩევნო პროცესზე დაკვირვება, არამედ მისი ჩაშლაა. სამეგრელოში მცხოვრებ ადამიანებს, ისევე, როგორც სრულიად საქართველოს კარგად ახსოვს, რომ წლების განმავლობაში "ნაციონალური მოძრაობის" მმართველობის სტილი არეულობაზე, საზოგადოების გახლეჩვის მუდმივი მცდელობაზე და საკუთარ ხალხზე ძალადობაზე გადიოდა. დღეისთვის კი, როდესაც სხვა რესურსზე ხელი აღარ მიუწვდებათ, არეულობის და დაპირისპირების შესაქმნელად ყალბი ინფორმაციის გავრცელებას და პროვოკაციების მოწყობას ეყრდნობიან", - ამბობს ჩიქოვანი.

"ქართული ოცნების" შტაბში აცხადებენ, რომ  დეზინფორმაციის გავრცელებისა და არეულობის მოწყობის რა მცდელობაც არ უნდა ჰქონდეს ნაციონალურ მოძრაობას, სახელმწიფო თავის სიმაღლეზე დგას და არავის მისცემს დესტრუქციის საშუალებას.

"არჩევნები ჩაივლის დემოკრატიულ, თავისუფალ გარემოში. თითოეულ სამართალდარღვევას, ნებისმიერ კანონგარეშე ქმედებას, სამართალდამცავი უწყებების მხრიდან შესაბამისი რეაგირება მოჰყვება!

ამავდროულად, კიდევ ერთხელ მოვუწოდებთ სადამკვირვებლო მისიების წარმომადგენლებსა და დიპლომატიურ კორპუსს, განსაკუთრებული ყურადღება მიაქციონ ზუგდიდში მიმდინარე პროცესებს, რადგანაც ოპონენტები, ყველაფრის ფასად, მიზანმიმართულად ცდილობენ, რომ ზუგდიდი დაძაბულობის ცენტრად აქციონ", - აღნიშნა ჩიქოვანმა. 

მმართველი პარტიის შტაბში დარწმუნებულები არიან, რომ ამომრჩევლის მაღალი აქტივობის შემთხვევაში მათი კანდიდატი პირველივე ტურში გაიმარჯვებს.





Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 14 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.