აშშ-ის სახელმწიფო დეპარტამენტმა მწუხარება გამოთქვა რუსეთის ხელისუფლების გადაწყვეტილების გამო, შეწყვიტოს რუსეთში აშშ -ის საერთასშორისო განვითარების სააგენტოს USAID -ის მოღვაწეობა.   უწყების ოფიციალურმა წარმომადგენელმა ვიქტორია ნულანდმა უარყო რუსეთის შენიშვნა იმის შესახებ, თითქოს სააგენტოს მხარდაჭერა სამოქალაქო საზოდოების, დემოკრატიისა და ადამიანთა უფლებებთან მიმართებაში რაიმე გზით გავლენას ახდენდა რუსეთში საარჩევნო პროცესის მიმდინარეობაზე. შექმნილ სიტუაციასთან დაკავშირებით მწუხარება ასევე აშშ-ის ელჩმა რუსეთის ფედერაციაში, მაიკლ მაკფოლმა გამოთქვა. ამასთან დიპლომატმა აღნიშნა, რომ ამერიკის ხელისუფლება ამაყობს რუს პარტნიორებთან სააგენტოს მიერ მიღწეული წარმატაბებით. შეგახსენებთ, რუსეთის საგარეო საქმეთა სამინისტრომ განაცხადა რომ, მათი მხრიდან რუსეთში USAID-ის მოღვაწეობის შეწყვეტის მოთხოვნა დაკავშირებულია იმასთან, რომ სააგენტო ცდილობდა გავლენა მოეხდინა რუსეთში მიმდინარე პოლიტიკურ პროცესებზე გრანტების გადანაწილების გზით. BBC