აშშ–ში შიდსით დაავადებული ორი პაციენტი ძვლის ტვინის ტრანსპლანტაციის შემდეგ სავარაუდოდ აივ ინფექციისგან განიკურნა. ექიმებმა მათ აივ/ინფექციასთან გასამკლავებლად დანიშნული პრეპარატები გაუუქმეს. ერთ–ერთი პაციენტი უკვე ოთხი თვეა არ ღებულობს შესაბამის მედიკამენტებს და ავადმყოფობის შემობრუნების ნიშნები არ აღენიშნება. მიღებული შედეგები აშშ–ის ერთ–ერთ ქალთა საავადმყოფოში საერთაშორისო შიდსის საზოგადოებას წარუდგინეს. ექიმები მბობენ, რომ ჯერ ნაადრევია შიდსისგან განკურნებაზე საუბარი, რადგან ავადმყოფობა შესაძლოა ნებისმიერ დროს შემობრუნდეს. ორივე პაციენტი უკვე 30 წელია აივ/ინფექციია მატარებელია. გარდა ამისა, ისინი ლიმფომითაც იყვნენ დავადებულნი, სწორედ ამიტომ დასჭირდათ ძვლის ტვინის გადანერგვა. ტრანსპლანტაციის შემდეგ ერთ–ერთი პაციენტის სისხლის ანალიზი აივ/ინფექციის არარსებობას უკვე ოთხი წელია უჩვენებს, ხოლო მეორე პაციენტისა – ორი წელი. აივ ინფექციის სამკურნალო პრეპარატები ანალიზების აღებამდე რამდენიმე თვით ადრე გაუქმდა.