გამოცდების ეროვნული ცენტრის ხელმძღვანელის მაია მიმინოშვილის ინფორმაციით, გამოცდებში 42 000 აბიტურიენტი იღებდა მონაწილეობას, აქედან დაახლოებით 13 700 აბიტურიენტმა არსებული ბარიერი ვერ გადალახა და ჩაიჭრა. მისივე თქმით, წინა წლებთან შედარებით საქართველოში ყველაზე მეტი აბიტურიენტი წელს გახდა სტუდენტი, კერძოდ, 28 401 აბიტურიენტმა წარმატებით ჩააბარა გამოცდები იმ დროს, როდესაც წინა წლებში მათი რაოდენობა დაახლოებით 24 000 იყო. ამასთან, მიმინოშვილის ინფორმაციით, დაახლოებით 9 000 სტუდენტმა მიიღო სახელმწიფო დაფინანსება, აქედან ას პროცენტიანი დაფინანსება დაახლოებით 4 500 სტუდენტს ექნება. ჩარიცხულ სტუდენტთა რაოდენობის მიხედვით, წელს პირველად ყველაზე რეიტინგული უმაღლესი სასწავლებელი ივანე ჯავახიშვილის სახელობის თბილისის სახელმწიფო უნივერსიტეტია.