სახალხო დამცველი ჩეხეთში შეხვედრებს გამართავს
16-19 სექტემბერს, საქართველოს სახალხო დამცველი უჩა ნანუაშვილი, სახალხო დამცველის მოადგილე პაატა ბელთაძე და სახალხო დამცველის აპარატის თანამშრომლები ჩეხეთში შეხვედრებს გამართავენ.
საქართველოს სახალხო დამცველი შეხვდება ჩეხეთის ომბუდსმენს, სტანისლავ კრესეკს. საუბარი შეეხება ორი ქვეყნის ომბუდსმენების მანდატს, მათ საქმიანობას, პრევენეციის ეროვნული მექანიზმის ფუნქციებს და მიზნებს, ასევე დისკრიმინიციის აკრძალვას და თანასწორობის პრინციპების დაცვის საკითხებს. სახალხო დამცველის აპარატის დელეგაცია, ჩეხეთის ომბუდსმენის ოფისის თანამშრომლებთან ერთად ეწვევა კურიმის ციხეს, სადაც გაეცნობიან არსებულ პრაქტიკას პატიმართა უფლებების დაცვის კუთხით.
საქართველოს სახალხო დამცველი უჩა ნანუაშვილი შეხვდება ჩეხეთის გენერალურ პროკურორს პაველ ზემანს.
საქართველოს სახალხო დამცველი ასევე შეხვედრებს გამართავს ჩეხეთის საგარეო საქმეთა სამინისტროში.
ვიზიტის დასასრულს, რადიო თავისუფლების ევროპის ბიუროში, საქართველოს სახალხო დამცველის ვიზიტთან დაკავშირებით გაიმართება მრგვალი მაგიდა თემაზე: „ადამიანის უფლებები და პოლიტიკური ცვლილებები საქართველოში“, რომელსაც მოდერაციას გაუწევს ჟურნალისტი დავით კაკაბაძე.
მასალის გამოყენების პირობები