სამსახურებრივი ავტომანქანების სახელმწიფო შესყიდვის საკითხების შემსწავლელი სახელმწიფო კომისია შეიქმნა. შესაბამისი გადაწყვეტილება მინისტრთა კაბინეტმა მთავრობის დღევანდელ სხდომაზე მიიღო. როგორც მთავრობის კანცელარიის უფროსმა მაია ცქიტიშვილმა განაცხადა, სახელმწიფო კომისიის შემადგენლობაში შევლენ მინისტრის მოადგილეები, ასევე პარლამენტის წევრები. კომისია, სახელმწიფო ავტომანქანების შესყიდვის წესს, ასევე თანამდებობებს და მათთვის შესაბამის ავტომობილებს წლის ბოლომდე განსაზღვრავს. "თანამდებობის მიხედვით განისაზღვრება ავტომანქანების ტიპი და კლასი, ასევე ის საკითხი, რომელი თანამდებობის პირებს ეკუთვნის ავოტმობილები და კონკრეტულად, რომელი კლასის ავტომობილები. ასევე განიზაღვრება რა წესით მოხდება ავტომობილების შესყიდვა იმ ორგანიზაციებისთვის, რომლებიც სახელმწიფო ბიუჯეტიდან ფინანსდება", - აღნიშნა მაია ცქიტიშვილმა. "ინტერპრესნიუსი"