ინგრედიენტები:

• სუშის ბრინჯი 200 გ
• დამარილებული, ახალი ორაგული 100 გ
• ვასაბი ან ჯანჯაფილის მწნილი
• მწვანე ხახვის ღეროები
• ბრინჯის ძმარი 2 ს.კ
• შაქარი 1 ჩ.კ
• მარილი 1 ჩ.კ

ბრინჯი მოამზადეთ კოლოფზე მითითებული ინსტრუქციის თანახმად. ზოგადად, სუშის ბრინჯი მზადდება ასე: 1 ჭიქა გარეცხილ ბრინჯს დაასხით 1 - 1.5 ჭიქა წყალი და მოხარშეთ 15-20 წუთი. გადაიტანეთ ჯამში (სასურველია ხის) და დაასხით 2 ს.კ ბრინჯის ძმარში გახსნილი 1 ჩ.კ მარილი და 1 ჩ.კ შაქარი. მოურიეთ ხის კოვზით და გააგრილეთ. ბრინჯის ძმრის შეცვლა თეთრი ღვინის ძმრით შეგიძლიათ. ბრინჯის ყოველი ულუფის დამუშავების წინ ხელები დაისველეთ ცივ წყალში. მიეცით ბრინჯის გუნდებს ოთხკუთხა ფორმა ხელით ან ლითონის პატარა ფორმების დახმარებით. ზემოდან დაადეთ ჯანჯაფილის მწნილის 1 ნაჭერი ან ცოტაოდენი ვასაბი, შემდეგ შესაბამისი ზომის ორაგულის ნაჭერი. შეკარით ხახვის ღეროებით და გადაიტანეთ თეფშზე. მიირთვით სოიოს სოუსთან ერთად.