ზუგდიდში  ხვალ, 25 მარტს  საპროტესტო მსვლელობის -  „ეს წართმეულიას“  გამართვა იგეგმება.  მსვლელობის ერთ-ერთი ორგანიზატორის ლაშა ყორშიას განმარტებით, აქციის მიზანია საზოგადოებას გააგებინონ, ზუგდიდის მაჟორიტარი დეპუტატის, როლანდ ახალაიას მიერ ხალხისთვის წართმეული ქონებების შესახებ. მისივე თქმით, ისინი ყველა იმ უძრავ ქონებას მოინახულებენ, რომელიც ახალაიამ ბიზნესმენებს  და მოქალაქეებს წაართვა. „ახალაიას მიერ ხალხისთვის წართმეულ ყველა ობიექტს გავაკრავთ წარწერას - „ეს წართმეულია“. ეს მსვლეობა, რომ დავგეგმეთ გაოცებულები დავრჩით, უმრავმა ადამიანმა გამოთქვა სურვილი შემოუერთდნენ ამ აქციას “, - უთხრა რადიო „ათინათს“ ლაშა ყორშიამ. ამასთან, აქციის ორგანიზატორები პარლამენტის თავმჯდომარეს მიმართავენ, დააჩქარონ იმ კანონპროექტის განხილვა და მიღება, რომლის თანახმად დეპუტატი ხელშუხებელი პირი არ იქნება.