დღევანდელი რადიოგადაცემის თემაა ისტორიული საბედიანოს გეოგრაფიული სახელწოდებების ცვლილებების საკითხი.
წყაროთა მიხედვით, დასავლეთ საქართველოში ტოპონიმების ფორმირება კოლხეთისა და ეგრისის პერიოდიდან იწყება და შემდეგ საბედიანო-ოდიშის ეპოქაში ვითარდება. ეს სახელწოდებები მნიშვნელოვან ისტორიულ ფენას ქმნის, რომელიც მეგრულ-ჭანურ და სვანურენოვან საფუძველს ეყრდნობა. ტოპონიმები, ანუ „მიწის ენა“, ისტორიული მეხსიერების მნიშვნელოვანი ნაწილია და მათი ავთენტური ფორმით შენარჩუნება განსაკუთრებულ მნიშვნელობას ატარებს.გადაცემაში საუბარია ისტორიული სახელწოდებების ცვლილებისა და გარდაქმნის პროცესზე, განსაკუთრებით აფხაზეთის ტერიტორიაზე და ნაწილობრივ სამეგრელოს რეგიონშიც.
გადაცემის წამყვანი სოფიო ხუციშვილი და ისტორიკოს - მკვლევარი ლაშა ჯიქია

გადაცემათა ციკლი ,,ოდაბადეშ კინოხონი’’ - პროექტის ავტორია ზუგდიდელი იური ვეკუა