ევროპის უძველესი წიგნი ბრიტანეთის ბიბლიოთეკამ 9 მლნ გირვანქა სტერლინგად შეიძინა. წმინდა კუტბერტის სახარება VII საუკუნით თარიღდება. ბიბლიოთეკის აღმასრულებელი დირექტორის, დეიმ ლინ ბრინდლის თქმით, ეს ბიბლიოთეკისთვის დიდი შენაძენია. "მსგავსი შესაძლებლობა ცხოვრებაში ერთხელ გვეძლევა. ჩვენ ყველანი მადლიერნი ვართ, რადგანაც კამპანიაში უამრავი ადამიანი ჩაერთო", - ამბობს ის. სახარება VII საუკუნეში ინგლისის ჩრდილოეთით შეიქმნა და ის წმინდა კუტბერტს საფლავში ჩააყოლეს. 1104 წელს კუბო კუნძულიდან დარემის საკათედრო ტაძარში გაიტანეს, რათა ვიკინგების დარბევისგან დაეცვათ. ტაძარში კუბო გახსნეს და წიგნი სწორედ მაშინ აღმოაჩინეს.