ჰოლივუდის მსახიობმა სარა ჯესიკა პარკერმა ნიუ-იორკში მდებარე სახლი მნიშვნელოვანი ფასდაკლებით გაყიდა. სერიალ „სექსი დიდ ქალაქში“ ვარსკვლავი რამდენიმე წლის განმავლობაში ცდილობდა ნიუ-იორკში თავისი ისტორიული, მდიდრული სახლის გაყიდვას. Dailymai წერს, რომ მსახიობმა ელიტური უძრავი ქონება სარფიანი ინვეტიციისთვის იყიდა და იქ არასდროს უცხოვრია. სამი წლის წინ სარამ თავის ქმართან მეთიუ ბროდერიკთან ერთად გადაწყვიტა 25 მლნ დოლარად გასაყიდად გამოეტანა მდიდრული თაუნჰაუსი, მაგრამ იმის გამო, რომ მყიდველი არ გამოჩნდა, ფასი 20 მლნ დოლარამდე დასწიეს. საინტერესოა, რომ მსახიობის თაუნჰაუსს ისტორიული ფასეულობა აქვს, ის 1846 წელსაა აშენებული. საცხოვრებელი სახლი 630 კვადრატულ მეტრზეა განთავსებული და მასში ხუთი საძინებელი, რვა სააბაზანო და უზარმაზარი გარდერობია.