ბლუზის ლეგენდა B.B. King გარდაიცვალა
ცნობილი ამერიკელი ბლუზმენი B.B. King 90 წლის ასაკში გარდაიცვალა. ინფორმაცია დღეს, 15 მაისს მუსიკოსის ადვოკატმა ბრენტა ბრაისონმა დაადასტურა. ამის შესახებ ინფორმაციას ბი-ბი-სი ავრცელებს.
გიტარისტი ლას ვეგასში ძილში გარდაიცვალა. ბი ბი კინგს თავის დროზე უმუშავია ისეთ ჯგუფთან ერთად როგორიცაა U2. ბი ბი კინგი ჟურნალმა როლინგ სტოუნმა ყველა დროის რიგით მესამე საუკეთესო გიტარისტად დაასახელა ჯიმი ჰენდრიქსის და დუეინ ალმანის შემდეგ. ბოლო თვეების განმავლობაში მას დიაბეტთან დაკავშირებული დაავადებები აწუხებდა.
კინგი ყოველწლიურად საშუალოდ 100 კონცერტს მართავდა.
მასალის გამოყენების პირობები