ზუგდიდის მაჟორიტარ დეპუტატ როლანდ ახალაიას მიმდინარე თვეში პლენარული სხდომების არასაპატიო მიზეზით გაცდენების გამო ხელფასის 10% დაექვითება. დეპუტატებს შორის ახალაია ერთადერთი დეპუტატი აღმოჩნდა, რომელმაც ივნისში სესიები არასაპატიო მიზეზით გააცდინა. როგორც გუშინდელი პლენარული სხდომის წამყვანმა, პარლამენტის პირველმა ვიცე-სპიკერმა მანანა კობახიძემ სხდომის დასრულებისას განაცხადა, ფრაქცია "ნაციონალური მოძრაობის" მიერ მიწოდებული ცნობით, ახალაიამ 12 და 14 ივნისის სესიები არასაპატიო მიზეზით გააცდინა, რაზეც შესაბამისი რეაგირება მოხდება. გასულ თვეში პარლამენტის თავმჯდომარე დავით უსუფაშვილმა არასაპატიო მიზეზით გამცდენ 40 დეპუტატზე გააკეთა განცხადება.