სამეგრელო-ზემო სვანეთის საოლქო პროკურატურასთან დღეს, 29 ივნისს კერძო  იპოთეკარებისგან  დაზარალებულმა რამდენიმე ოჯახმა  აქცია გამარა. ისინი პროკურატურისგან  მოითხოვენ დაინტერესდნენ ქალაქ ფოთში, არსებული კრედიტორების მაქინაციური სქემით, რომელსაც მათივე თქმით, ფოთის  პროკურატურა მფარველობას. კერძო კრედიტორების მოვალეები ამბობენ, რომ მათ ხელშეკრულებაზე ხელი მოტყუებით და ზოგ შემთხვევაში ძალის გამოყეენბითაც მოაწერინეს. კერძო იპოთეკარის ერთ-ერთი მოვალე მანანა ღურწკაიამ რადიო „ათინათს“ უთხრა, რომ კერძო კრედიტორისგან მან 4 ათას ლარამდე  აიღო. იპოთეკარმა კი მას აღნიშნული თანხის დაბრუნება ხელშეკრულებით გათვალისწინებული დროის დამთავრამდე მოსთხოვა. „იპოეკარი მოვიდა ვიღაც პიროვნებებთან ერთად და ვალის დაბრუნება სასწრაფოდ მომთხოვა. მან მითხრა, რომ თანხის აღებას რუსთავში შევძლებდი. მუქარით და ძალის გამოყენებით ხდებოდა ეს ყველაფერი. რუსთავში 11 ათასი ლარი ამაღებინეს და თვითონ გაინაწილეს“, - ამბობს მანანა ღურწკაია. მანანა ღურწკაიას საცხოვრებელი ბინა უკვე გაუყიდეს და ის მცირე წლოვან შვილებთან ერთად ქუშაში დარჩა. სამეგრელო-ზემო სვანეთის საოლქო პროკურატურის ოლქის პროკურორის მოადგილე, ნონა თოლარაია აცხადებს, რომ ფოთის პროკურატურაში აღნიშნულ საქმეზე  ე.წ გამოკითხვა უკვე მოხდა, თუმცა მისივე ინფორმაციით  კანონდარღვევა არ დადასტურდა. „სააღმსრულებლო კანონის თანახმად, დღეს სააღმსრულებლო წარმოების  შეჩერებას ვერც პროკურატურა და ვერც სასამართლო აღმასრულებელს ვერ უბრძანებს. თუ ამ ადამიანებს აქვთ ზოგადად სხვა პრეტენზია, ან ხელშეკრულება იძულებით ან მოტყებით დაადებინეს, მათ შეეძლოთ მიემართათ სასამართლოსთვის და  ხელშეკრულების ბათილად ცნობა მოეთხოვათ“, - აცხადებს  ნონა თოლორაია. კერძო იპოთეკარები  აცხადებენ, რომ ქალაქ ფოთში იპოტეკარებმა 250 ადამიანი მოატყუეს, რომლებასც განსახლება ემუქრებათ. მათივე განმარტებით, ფოთში თაღლითური სქემით თითქმის ორი წელია მოსახლეობას ატყუებენ.