სამეგრელო-ზემო სვანეთის პრობაციის ბიუროს დახმარებით, ზუგდიდისა და ხობის რაიონებში ოთხი პირობით მსჯავრდებული დასაქმდა. პრობაციის ოფიცრების მიერ ჩატარებული რისკებისა და საჭიროებების კვლევის შედეგად გაირკვა, რომ პირობით მსჯავრდებულები: მუხრან მ., ალექსანდრე ლ., ლევან თ. და გიგა ჩ. მძიმე სოციალურ პირობებში ცხოვრობდნენ. ვინაიდან თითოეულ პრობაციონერზე გამოიკვეთა დასაქმების საჭიროება, პრობაციის ბიურომ, მათი დასაქმების რეკომენდაციით, ადგილობრივ კერძო მეწარმეებს მიმართა. პრობაციის ბიუროს შუამდგომლობის საფუძველზე, მუხრან მ. და ალექსანდრე ლ. ზუგდიდში მოქმედ შპს ,,საგზაო''-ში მუშებად დასაქმდნენ, სადაც ყოველდღიურად 20 ლარს გამოიმუშავებენ. ხობელები: ლევან თ. და გიგა ჩ. კი მშობლიურ ქალაქში შ.პ.ს ,,შარაგზამშენის'', მიერ ჩატარებულ სარეკონსტრუქციო სამუშაოებზე იმუშავებენ და დღეში 15 ლარს მიიღებენ. პირობით მსჯავრდებულთა დასაქმების ხელშეწყობა პრობაციის ეროვნული სააგენტოს საქმიანობის ერთ-ერთ ძირითად მიმართულებას წარმოადგენს.