ზუგდიდის მოსწავლე ახალგაზრდობის სასახლის აღსაზრდელებმა უკრაინის ქალაქ ალუშტაში გამართულ შავი ზღვის ქვეყნების თასის გათამაშებაზე სამეჯლისო – სპორტულ ცეკვებში გამარჯვება მოიპოვეს. შეჯიბრში სადაც 8 ქვეყანა მონაწილეობდა 9 ზუგდიდელმა ბავშვმა მიიღო მონაწილობა და ყველა მათგანი მედლის მფლობელი გახდა. ერთი მესამე ადგილის, 3 მეორე და 5 პირველი ადგილის მფლობელ პატარა მოცეკვავეებს დღეს, 23 ოქტომბერს ზუგდიდის მუნიციპალიტეტის საკრებულს თავმჯომარემ სიგელი და სიმბოლური საჩუქრები გადასცა. სამეჯლისო და სპორტული ცეკვის სამხრეთ კავკასიის ფედერაციის ხელმძღვანელმა გოჩა კაპანაძემ აღნიშნა, რომ ეს პირველი შემთხვევა არ არის, როცა მოსწავლე ახალგაზრდობის აღსაზრდელბები უცხო ქვეყანაში გამართულ მსგავს კონკურსებზე მნიშვნელოვან წარმატებებს აღწევენ.