ფეხბურთის საერთაშორისო ფედერაციის პრეზიდენტი იოზეფ ბლატერი და უეფას ხელმძღვანელი მიშელ პლატინი საფეხბურთო მოღვაწეობას 8 წლით ჩამოაშორეს. ამის შესახებ ფიფას პრეს - სამსახური ავრცელებს ინფორმაციას.

ბი ბი სი-ს ინფრომაციით, აღნიშნული გადაწყვეტილება ფიფას ეთიკის კომიტეტმა გამოძიების შემდეგ მიიღო, რომელშიც პლატინის ანგარიშზე, ბლატერის მიერ სანქცირებული, მსვხილი ფულადი გადარიცხვა – 2 მლნ. შვეიცარიული ფრანკის ოდენობით - ფიგურირებს.

ოქტომბერში ბლატერი და პლატინი, გამოძიების დაწყებასთან დაკავშირებით, საკუთარი მოვალეობების შესრულებისგან 90 დღით გაათავისუფლეს.

ორივე ფუნქციონერი უარყოფს ბრალდებას და აცხადებს, რომ კორუფციულ გარიგებაში არ გარეულა.