რუსეთის პირველი დიპლომატი აცხადებს, რომ მზად არის სირიაში ჯარისკაცები და სამხედრო პოლიცია გაგზავნოს. ლავროვი ამბობს, რომ ისინი ხელს შეუწყობენ ქიმიური განიარაღების გეგმის რეალიზებას. პარალელურად ცნობილი გახდა, რომ ჰააგის ქიმიური იარაღის აკრძალვის ორგანიზაციამ უკვე მიიღო ოფიციალური დამასკოდან ინფორმაცია ქიმიური იარაღის შესახებ. ერთ-ერთი ვერსიით, საუბარია დაახლოებით 1000 ტონა მასობრივი განადგურების იარაღზე. ცნობისთვის, თავდასხმა განხორციელდა სირიაში. ამჯერად მებრძოლების სამიზნეში რუსეთის საელჩო მოექცა. დიპლომატიური მისიის ტერიტორიაზე ნაღმი ჩააგდეს, რის გამოც ბოლო მონაცემებით, საელჩოს სამი თანამშრომელი დაშავდა. ექიმები ამბობენ, რომ ტრავმები სიცოცხლისთვის საშიში არ არის. დიპლომატები ახლა მედიკოსების მეთვალყურეობის ქვეშ იმყოფებიან. რუსეთის საგარეო საქმეთა სამინისტრომ მომხდარის გამოძიება უკვე დაიწყო.