ზუგდიდის საზოგადოებრივი ჯანდაცვის ცენტრის ინფორმაციით ინფექციურის ლაბორატორიაში დღის განმავლობაში 95 პირის ბიოლოგიური ნიმუში გაიტესტა. მათ შორის არიან რეგიონის ცხელების ცენტრების პაციენტები, სამედიცინო პერსონალი, თვითიზილაციასა და კარანტინში მყოფი მოქალაქეები.

ამავე ცნობით, გამოკვლეულთა შორის 3 კოვიდ-ინფიცირებული პაციენტია, რომელთაგან ორს ვირუსის არსებობა ისევ დაუდასტურდა. რაც შეეხება კიდევ ერთ პირს, რომელიც ტრაილერის მძღოლის კლასტერიდანაა, მისი ანალიზის პასუხი Covid 19-ზე უარყოფითია, რაც ნიშნავს, რომ ის კორონავირუსისგან გამოჯანმრთელდა. 

ამ ეტაპზე რუხის მულტიპროფილურ კლინიკაში 6 კოვიდ-დადებითი პაციენტი განაგრძობს მკურნალობას.