ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 169 პირის ბიოლოგიური ნიმუში გაიტესტა. მათ შორის არიან ცხელების კლინიკების პაციენტები, მედიკოსები, საქალაქო და საქალაქთაშორისო ტრანსპორტის მძღოლები, შსს-ს თანამშრომლები და კარანტინში მყოფი მოქალაქეები. ყველა მათგანის პასუხი Covid 19-ზე უარყოფითია.

ანაკლია-განმუხურის საკარანტინო სივრცეში ამ დროსითვის 74 პირი რჩება. რეგიონის მასშტაბით თვითიზოლაციაშია 33 მოქალაქე.