საზოგადოება
GLC - ის ზუგდიდის განყოფილება სწავლების ონლაინ რეჟიმზე გადავიდა
ასოციაცია „ათინათის“ ბაზაზე არსებული საქართველოს სასწავლო ცენტრის - GLC-ის ზუგდიდის განყოფილების მოსწავლეები ერთი კვირაა სწავლების ონლაინ რეჟიმზე გადავიდნენ. კორონავირუსის გავრცელების თავიდან აცილების მიზნით, პედაგოგებმა სამზადისი გასულ კვირაში დაიწყეს და სილაბუსებში გარკვეული ცვლილებები შეიტანეს.

„მასწავლებლებმა შევქმენით ჯერ ჯგუფი Teams - ში. Mircorosft-მა კორონავირუსის გამო თავისი აპლიკაციის, Teams-ის პრემიუმ ვერსიის უფასო ვარიანტის გაზიარება დაიწყო და პროგრამის ეს ვერსია უფასოდ 6 თვის განმავლობაში იქნება ხელმისაწვდომი. მოგვეცა საშუალება, რომ კერძო სკოლის მასწავლებლებიც გავწევრიანებულვიყავით ამაში. შევქმენით ონლაინ კლასები, დავალებებს ვუგზავნით ბავშვებს, ვუტარებთ ვიდეო გაკვეთილებს და ასევე ვუგზავნით ვიდეო ტუტორიალებს და ელექტრონულ ტესტებს“, - გვითხრა მათემატიკის მასწავლებელმა ჟანა ბელქანიამ.
ჟანა ბელქანია  - GLC-ის სკოლის მათემატიკის მასწავლებელი


როგორც პედაგოგი გვიყვება, ბავშვები კმაყოფილები და მოტივირებულები არიან. ამ დროისთვის, პროცესში თითქმის ყველა მოსწავლეა ჩართული.

„ახალგაზრდები ტექნოლოგიებში კარგად ერკვევიან და ძალიან მოეწონათ ეს ახალი გამოწვევა. ჩართულობაც მაღალია, თავიდან რამდენიმე ბავშვი გვაკლდა, თუმცა ყველა შემოგვიერთდა. ზოგჯერ ინტერნეტი იჭედება, მაგრამ ბავშვები ერთმანეთს ეხმარებიან... ჩვენმა მოსწავლეებმა საოცარი მხარდაჭერა გამოიჩინეს ერთმანეთის, პედაგოგების მიმართ და ეს ძალიან გვაბედნიერებს“, - ამბობს პედაგოგი, რომელიც ამავდროულად არის ტექნოლოგიების ქოუჩი განათლების სამინისტროს პროექტის „ახალი სკოლის მოდელის ფარგლებში“.

GLC-ის სკოლის მოსწავლეები სწავლის ონლაინ რეჟიმზე ახალი რეკომენდაციების გაცემამდე იქნებიან.

კორონავირუსთან დაკავშირებით მოქმედი უწყებათაშორისი საკოორდინაციო საბჭოს გადაწყვეტილებით, საქართველოს მასშტაბით სასწავლო დაწესებულებებში გამოცხადებული არდადეგები ამ ეტაპზე პირველ აპრილამდე გახანგრძლივდა.

ამავე თემაზე:

სტუმარი - ჟანა ბელქანია


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 14 °C
img
ფოთი 16 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.