28 სექტემბერს, ცოფთან ბრძოლის მსოფლიო დღეს, 11:00-16:00 საათებში, სამეგრელო-ზემო სვანეთში შინაური და მიკედლებული ცხოველების უფასო ვაქცინაცია ჩატარდება. ამის შესახებ ინფორმაცია სურსათის ეროვნულმა სააგენტომ გამოაქვეყნა.

მათი თქმით, პროცესი სპეციალურად გამოყოფილ სივრცეებსა და სააგენტოს რეგიონულ ოფისებთან გაიმართება.

სამეგრელო-ზემო სვანეთში ვაქცინაციისთვის შემდეგი მისამართები განისაზღვრა:

• მარტვილი - გახოკიძის ქ.N5

• აბაშა - ჩიქოვანის ქ.N13

• სენაკი - რუსთაველის N235

• ხობი - ც. დადიანის N185

• ჩხოროწყუ - აღმაშენებლის N11

• წალენჯიხა - გამსახურდიას N9

• ფოთი - კოსტავას ქ.N193

• მესტია - ბ. კახიანის ქუჩა აეროპორტის მიმდებარედ

• ზუგდიდი - კ. გამსახურდიას 1 შესახვევი N 4.


სააგენტოში აღნიშნავენ, რომ ცოფი ადამიანისა და ცხოველის საშიში ინფექციური დაავადებაა. თუმცა, მისი პრევენცია შესაძლებელია.

28 სექტემბერი, როგორც ცოფთან ბრძოლის მსოფლიო დღე, ცოფის კონტროლის გლობალური ალიანსის ინიციატივითა და მსოფლიო ჯანდაცვის ორგანიზაციების მხარდაჭერით 2007 წელს დაწესდა. საქართველო კი მას 2013 წლიდან ყოველწლიურად უერთდება.