დღეიდან, 18 ოქტომბრიდან,  ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო. ამის შესახებ ინფორმაციას ჯანდაცვის სამინისტრო აქვეყნებს.

ამ ეტაპზე ვაქცინაცია რისკ ჯგუფებს ჩაუტარდებათ. მათ შორის არიან : დიაბეტის მქონე პირები; დიალიზზე მყოფი პირები; C ჰეპატიტის მქონე პირები,აივ ინფექცია/შიდსისა და ორგანოგადანერგილი და მუკოვისციდოზის დაავადების მქონე პირები. აგრეთვე, 60 წლის და უფროსი ასაკის ხანდაზმული პირები; ორსულები; ზოგადსაგანმანათლებლო დაწესებულების (სკოლები) პედაგოგები; ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი; სავალდებულო ვაქცინაციას დაქვემდებარებული მედპერსონალი.

სამეგრელო-ზემო სვანეთის მასშტაბით, მოქალაქეები აცრის გაკეთებას შემდეგ მისამართებზე შეძლებთ:

სამინისტროში განმარტავენ, რომ 4 ნოემბრიდან გრიპის საწინააღმდეგო ვაქცინაცია ყველა მსურველისთვის , 6 თვის ასაკიდან ხელმისაწვდომი იქნება აღნიშნულ სამედიცინო დაწესებულებებში.

უწყების ცნობით, იმუნიზაციის სახელმწიფო პროგრამის ფარგლებში, საქართველომ Abbott Biologicals B.V.-ის წარმოების ოთხკომპონენტიანი ვაქცინა შეიძინა, რომელიც ერთ-ერთია ჯანმო-ს მიერ რეკომენდებულ ვაქცინებს შორის. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.

ცნობისთვის, ზუგდიდის საზოგადოებრივი ჯანდაცვის ცენტრის ხელმძღვანელმა ნანა ოდიშარიამ 17 ოქტომბერს რადიო "ათინათს" უთხრა, რომ სეზონური ვირუსების გავრცელების კუთხით, მუნიციპალიტეტში ახლა სტაბილური მდგომარეობაა.