აფხაზეთის დე ფაქტო რესპუბლიკაში, დღეიდან, ელექტროენერგიის მიწოდებაზე ყველა შეზღუდვა მოიხსნა, ამის შესახებ კომპანია „ჩერნომორენერგო“ ავრცელებს ინფორმაციას.

მანამდე, 6 თებერვალს, რუსეთის ენერგეტიკის მინისტრის მოადგილემ, ევგენი გრაბჩაკმა განაცხადა, რომ რუსეთი მზადაა 7 თებერვალს განაახლოს აფხაზეთისთვის ელექტროენერგიის მიწოდება. ამის შესახებ, მან მოსკოვში გამართულ შეხვედრაზე ოკუპირებული აფხაზეთის „პრეზიდნეტობის“ კანდიდატს, ბადრა გუნბას უთხრა.

გუნბას ასევე შეხვდა რუსეთის ვიცე- პრემიერი, ალექსნდრ ნოვაკი რომელიც დაჰპირდა, რომ „რუსეთი ეცდება ყველაფერი გააკეთოს აფხაზეთის მოსახლეობისთვის ელექტროენერგიის უწყვეტად მიწოდების უზრუნველსაყოფად“, წერს „რია ნოვოსტი“.

მისივე თქმით, მომავალში ისინი „შეეცდებიან, ხელი შეუწყონ აფხაზეთში ენერგეტიკის სექტორის განვითარებას“.

ბადრა გუნბამ აღნიშნა, რომ აფხაზეთის მოსახლეობას, პირველ რიგში, ენერგეტიკული პრობლემები აწუხებთ, რადგან „დეკემბერში მისი მოთხოვნით რუსეთიდან გაწეული ჰუმანიტარული დახმარება უკვე იწურება“ და რუსეთის მხარდაჭერას გადამწყვეტი მნიშვნელობა აქვს „აფხაზეთის ენერგეტიკული უსაფრთხოებისთვის“.

იფორმაციისთვის, 9 იანვრიდან აფხაზეთში ელექტროენერგიის მიწოდებაზე ახალი შეზღუდვები დაწესდა, მას შემდეგ, რაც მოსკოვმა სოხუმისთვის ელექტროენერგიის ჰიმანიტარული ნაკადის მიწოდება განაახლა.

უფრო ადრე, 2024 წლის ნოემბრის დასაწყისში, მოსკოვმა სოხუმს უფასო ელექტროენერგიის მიწოდება შეუწყვიტა. 11 დეკემბრიდან მოსახლეობას დღისით არასრული სამ საათით მიეწოდებოდა დენი, ღამით კი 21:00 საათიდან 07:00 საათამდე. 

აფხაზი ლიდერის ასლან ბჟანიას გადადგომის და ე.წ. პარლამენტის მიერ მოსკოვთან „საინვესტიციო ხელშეკრულების“ ჩაგდების შემდეგ, რუსეთმა სრულად შეუჩერა დე ფაქტო რესპუბლიკას დაფინანსება.

უკვე წლებია, სოხუმი ენერგოდეფიციტის აღმოფხვრას ვერ ახერხებს. ადგილობრივი ენერგოკომპანია ამის მიზეზად ელექტროქსელებზე გაზრდილ დატვირთვას და ინფრასტრუქტურის ცვეთას, სრული გამრიცხველიანების არარსებობას, ელექტროენერგიაზე დაბალ ტარიფებს, მოსახლეობის ნაწილის მიერ ელექტროენერგიის საფასურის გადაუხდელობას და კრიპტოვალუტის უკანონო მაინინგს ასახელებს.

ინფორმაციისთვის, ზამთრის თვეებში ენგურჰესი, ძირითადად, აფხაზური მხარის საჭიროებებს აკმაყოფილებდა. მხარეებს შორის არსებული შეთანხმება გამომუშავებული რესურსის 60/40-ზე პარიტეტით გადანაწილებას გულისხმობს.