გუნდის ხელმძღვანელის ბრუნო კოფინოს თქმით, ისინი ბევრს მოგზაურობენ და რეპერტუარისთვის მსოფლიო მასშტაბით ეძებენ სიახლეებს.

„ვასრულებთ სიმღერებს მთელი მსოფლიოდან, ვიცით, რომ საქართველოს გამორჩეული ხალხური პოლიფონია აქვს, ამიტომაც გვინდოდა აქ ჩამოსვლა და ქართული სიმღერების შესწავლა. გადავწყვიტეთ ტურის მოწყობა, უკვე ვიყავით თბილისში, ასევე გორში, დღეს ვართ ზუგდიდში და მივდივართ სვანეთში. აქ ვტკბებით ყველაფრით - ღვინო, ჭაჭა, საჭმელი- მართლა ძალიან მაგარია. დღევანდელი კონცერტის აუდიტორია იყო შესანიშნავი, მათ სიამოვნებით მოისმინეს ჩვენი ნამღერი - ამან ჩვენზე დიდი შთაბეჭდილებ მოხდინა, მადლობა !“, - აღნიშნა მან.

ფრანგ სტუმრებს საქართველოში მასპინძლობა ზოე პერემ გაუწია, რომელიც საქართველოში 10 წელზე მეტი ხანია ცხოვრობს. ახალგაზრდა ფრანგი ქალი, რომელიც საქართველოში პირველად საერთაშორისო ორგანიზაციის ეგიდით ჩამოვიდა და აქ ცხოვრება გადაწყვიტა, დღეს ჩვენს ქვეყანაში ჩამოსულ უცხოელებს ქართულ სიმღერას თავად ასწავლის.

„საქართველოში ქართული სიმღერების სასწავლებლად ჩამოვიდნენ, ძალიან უყვართ ხალხური სიმღერები და გადაწყვიტეს სხვადასხვა სოფლებში ევლოთ - მაგალითად ახლა ვიყავით გურიაში, ზუგდიდში გავიარეთ, ამ ერთი მშვენიერი საღამოსთვის და მივემგზავრებით სვანეთში სადაც შევისწავლით სვანურ სიმღერებს“, - თქვა ღონისძიების ორგანიზატორმა.