მულტიმედია
აგვისტოს ომის დროს დაბომბილი ურთა და შეწყვეტილი რადიომაუწყებლობა (ვიდეო/ფოტო)
2008 წლის რუსეთ-საქართველოს ომის დროს დაბომბილ 125 სოფელს შორის არის ზუგდიდის მუნიციპალიტეტის სოფელი ურთაც. მისი დაბომბვა რუსულმა ავიაციამ 12 აგვისტოს, დილის საათებში დაიწყო. ადგილობრივებმა თავდაპირველად, ორი თვითმფრინავი შენიშნეს, მოგვიანებით კი მათი რიცხვი გაიზარდა. ძირითადად, იბომბებოდა მთა და ტყის მასივები, სადაც ქართველი ჯარისკაცები ეგულებოდათ. საშიშროება სოფლის მოსახლეობასაც ემუქრებოდა.

გიორგი აფაქიძე, რომელიც ურთის მთის სიახლოვეს ცხოვრობს, იხსენებს თერთმეტი წლის წინ მომხდარ მოვლენებს. გვიყვება, რომ სხვა სტრატეგიულ ობიექტებთან ერთად, მტრის სამიზნე მთაზე არსებული სატელეკომუნიკაციო ანძები გახდა. მათ შორის იყო რადიო „ათინათის“ გადამცემიც. აფაქიძე თავად გახდა იმის მოწმე , თუ როგორ ამოვიდნენ მთაზე რუსი ჯარისკაცები, რათა განადგურებული ანძებიდან დარჩენილი ტექნიკა წაეღოთ.

„სოფელში ქალები და ბავშვები გახიზნული გვყავდა. სახლში მე და მამაჩემი ვიყავით. საშიშროების მიუხედავად, კაცები მაინც არ ვტოვებდით სოფელს. მთლიანად გადაწვეს ტყის მასივი. მოგვიანებით, გამოჩნდა მიწაში ჩაფლული აუფეთქებელი ჭურვებიც. იმ საღამოს, დაბომბვის შემდეგ, ბეტეერებით იყვნენ ამოსული, გაანადგურეს ანძები, დახსნეს აპარატურა და წაიღეს. მეორე დღეს კი ამწეთი ამოვიდნენ და რაც დარჩათ იმის წაღებაც უნდოდათ. მაშინ მეც ავედი, ვითომ ძროხას ვეძებდი ტყეში. მაინტერესებდა, რას აკეთებდნენ, რომ ვნახე ტექნიკის წაღება უნდოდათ, მაშინვე დავრეკე ხელმძღვანელ პირებთან. მერე არ ვიცი რა მოხდა, როგორ მოილაპარაკეს, იმ დღეს ისე წავიდნენ, არაფერი წაუღიათ. დაახლოებით 40 კაცამდე იყვნენ“, - ამბობს აფაქიძე.

რადიო „ათინათის“ ანძის დაბომბვის გამო, მედია საშუალებამ ერთი თვის განმავლობაში მაუწყებლობა შეწყვიტა. „ათინათის“ გამგეობის თავმჯდომარე გია ხასია ამბობს, რომ მაუწყებლობა ხელნაკეთი გადამცემით მალევე აღდგა, თუმცა, არა იმ სიმძლავრით, როგორც მანამდე იყო. მისივე ინფორმაციით, ტექნიკური დანაკლისის აღდგენა რადიომ საერთაშორისო ორგანიზაციების: აშშ საელჩო, WAR CHILD/Netherlands, ჰოლანდიური ორგანიზაცია - Press Now, ბრიტანული ორგანიზაცია „შერიგების რესურსები (Conciliation Recourses), და ლინკოლნიდან „ათინათის“ მეგობრების: ჯენი და ტომ კორდველების, ანასტასია და ჯო მკნალტების, ლარი დლაგაშის, მარგარეტ და რონ ჯოელის, პატრიცია და დელ ჰარიშების და სხვების დახმარებით შეძლო.

„როდესაც დაიწყო დაბომბვა, მივხვდი რომ საფრთხე ემუქრებოდა ჩვენს რადიო გადამცემს. მაშინვე დავრეკე ჩემს კოლეგასთან, რომელიც იქ მუშაობდა. დილითვე მინდოდა ასვლა, საღამოს, სიტუაციის შედარებით დასტაბილურების შემდეგ, ავედით. დაბომბილი იყო იქაურობა, ხოლო რაც დარჩა, ყველაფერი წაღებული. ასვლისას, მოსახლეობა გვეუბნებოდა, რომ ფრთხილად ვყოფილიყავით, რადგან აუფეთქებელი ჭურვები ეყარა ადგილზე. დიდი ზიანი მოგვადგა. შეწყდა მაუწყებლობა დაახლოებით ერთი თვის მანძილზე. ნახევარი წლის შემდეგ, ხუთი საერთაშორისო ორგანიზაციისა და ერთი სამეგობრო ჯგუფის ფინანსური დახმარებით, აღვადგინეთ ანძა, შევიძინეთ გადამცემი და დავიწყეთ მაუწყებლობა სამეგრელო-ზემო სვანეთსა და ასევე, აფხაზეთში. ეს არის ძალიან მნიშვნელოვანი, რადგან ჩვენ ხელს ვუწყობთ ნდობის გაღრმავებას აფხაზურ და ქართულ საზოგადოებებს შორის. რა თქმა უნდა „ათინათი“ მადლიერია იმ ორგანიზაციების და მეგობრების, რომლებმაც რადიოს მაუწყებლობის აღსადგენად ძალისხმევა არ დაიშურეს “, - აღნიშნა გია ხასიამ.

2008 წლის რუსეთ-საქართველოს ომიდან 11 წელი გავიდა. აგვისტოს ომის შედეგებია: 412 დაღუპული მოქალაქე, მათ შორის, 169 ჯარისკაცი; 1747 დაჭრილი; 130 000 იძულებით გადაადგილებული პირი, რომელთაგან 30 000 დღესაც დევნილობაში ცხოვრობს; 35 000 განადგურებული სახლი; 53 მიწასთან გასწორებული ქართული სოფელი; რუსეთის მიერ დამატებით ოკუპირებული ხუთი ხეობა და 125 სოფელი.

ამავე თემაზე:

აგვისტოს ომის აფხაზეთიდან დევნილი გმირები (ფოტო, ვიდეო) 

აგვისტოს ომიდან 11 წელი გავიდა



Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
ალექსანდრე ანქვაბის ჯანმრთელობის მდგომარეობა სტაბილურია და დადებითი დინამიკა შეიმჩნევა, ინფორმაცია "მინისტრთა კაბინეტის" ვებგვერდზეა განთავსებული.
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე 17 349 ადამიანი გამოიკვლიეს და დადასტურდა ინფიცირების 1 006 ახალი შემთხვევა.
სამეგრელოს 6 კოვიდმიმღებ კლინიკაში 190 პაციენტი გადის მკურნალობის კურსს, მათგან 12 ინფიცირებულის ჯანმრთელობის მდგომარეობა მძიმეა.
საზოგადოება
მთავრობის ადმინისტრაცია შეზღუდვების შემსუბუქებასთან დაკავშირებით დეტალურ ინფორმაციას ავრცელებს. საკოორდინაციო საბჭოს მიერ მიღებული გადაწყვეტილებით:
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
ამავე კატეგორიაში
დღის სიახლეები
26 / იანვარი 2021
შინაგან საქმეთა სამინისტროს გენერალურმა ინსპექციამ ფოთში ინსპექტორ-გამომძიებელი დააკავა. უწყების ინფორმაციით, დაკავებულს ბრალად სამსახურებრივი უფლებალებამოსილების ბოროტად გამოყენება ედება.
26 / იანვარი 2021
ალექსანდრე ანქვაბის ჯანმრთელობის მდგომარეობა სტაბილურია და დადებითი დინამიკა შეიმჩნევა, ინფორმაცია "მინისტრთა კაბინეტის" ვებგვერდზეა განთავსებული.
26 / იანვარი 2021
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე 17 349 ადამიანი გამოიკვლიეს და დადასტურდა ინფიცირების 1 006 ახალი შემთხვევა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 18 °C
img
სოხუმი 14 °C
img
ფოთი 14 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.