მულტიმედია
ზუგდიდელი ექიმების კენკრის ბაღი მარტვილში (ფოტო/ვიდეო)
ზუგდიდელმა ექიმებმა იელი კაკულიამ და მაია სარიამ მარტვილის სოფელ აბედათში მამაპაპისეულ ნაკვეთში ორი წლის წინ მოცვის ბაღი გააშენეს.

ცოლ - ქმარმა თავდაპირველად თხილი დარგო, შემდეგ კივი, თუმცა როგორც ამბობენ, ამ კულტურებისთვის შეუსაბამო ნიადაგის გამო მცენარეები ვერ გაახარეს. შრომას არ შეუშინდნენ და ნიადაგის კვლევის შემდეგ, ლურჯი მოცვი დარგეს. ამჯერად, მცდელობა წარმატებული აღმოჩნდა. ფერმერი გვეუბნება, რომ პლანტაცია, რომელზეც მოცვის სამი ჯიში - ლეგასი, ონეილი და ბლუკროპი გაახარა, თანამედროვე სტანდარტების შესაბამისად მოაწყო.
"3 500 კვ.მ ფართობზე 1 300 -მდე ძირი დავრგეთ. აქ მთავარი არის ნიადაგის მჟავიანობა, ნეიტრალურთან ახლოს იყო, ამიტომ სახელმწიფო პროგრამის დაფინანსებაში ვერ მოხვდა ჩემი განაცხადი, მაგრამ საკუთარი სახსრებით გადავწყვიტე გამეშენებინა და მეცადა ეს კულტურა. უკვე ერთი წლის თავზე, 2019 წლის გაზაფხულზე ერთი წლის ნაზარდი საკმაოდ კარგად იყო განვითარებული, მეორე ამდენივე დავრგე 2019 წელს, გავაფართოვე ნაკვეთი და პირველი ნერგებიდან წელს უკვე მაქვს მოსავალი. ერთ ძირზე, დაახლოებით, 800 გრამამდე კენკრა მივიღე", - გვიყვება იელი კაკულია.

მისი თქმით, მოცვის კრეფის სეზონზე სამი ადგილობრივი ჰყავთ დასაქმებული, საოჯახო მეურნეობის საქმეებში ნათესავებიც ეხმარებიან.

იელი და მაია ზუგდიდის რეგიონულ ჰოსპიტალში წლებია მუშაობენ. მაია სარია ტრანსფუზიოლოგია, იელი კი რეანიმატოლოგ - ანესთეზიოლოგი. მიუხედავად დატვირთული სამუშაო გრაფიკისა ბაღის მოსავლელად დროს ყოველთვის პოულობენ.

"მორიგეობასა და მორიგეობას შორის ვახერხებ წამოვიდე აქ, ვიმუშაო. ისევ მორიგეობაზე ზოგჯერ აქედან მივდივარ, უშრომელად არაფერი არ მოდის, მცდელობამ და შრომამ შედეგი გამოიღო. სოფელი რთულია, ამინდი ყოველთვის ხელს არ გიწყობს, ზოგჯერ ძაან ცხელა, ან ძაან ცივა, მაგრამ როცა შედეგს ნახულობ, ყველანაირ ამინდში ახერხებ იმუშაო, გამოძებნო დრო და ხარ, ერთი სიტყვით, საინტერესო შრომაში’’, - ამბობს იელი კაკულია.

სოფელში კიდევ ერთი საზრუნავი გაუჩნდათ - მიუსაფარი ძაღლების მოვლა. როგორც ამბობენ, თითქმის ყოველ ჩასვლაზე ხვდებათ ეზოში უპატრონო ცხოველები, რომლებსაც თავშესაფრის და საკვების გარეშე არასოდეს ტოვებენ.

"ამ ძაღლებს ძალიან უყვართ მოცვი, იპარებიან პლანტაციაში და ბევრს ჭამდნენ. ამიტომ იძულებულები გავხდით დაგვება ერთ-ერთი", - გვეუბნება იელი და ეღიმება.

დარწმუნებულია, რომ მეუღლის მხარდაჭერისა და თანადგომის გარეშე არაფერი გამოუვიდოდა. ცოლ-ქმარი საქმეს თანაბრად ინაწილებს და ცდილობს სოფელში მეტი დრო გაატაროს.

„ჩვენი სურვილია შვილებმა გააგრძელონ ჩვენი საქმე, სოფელს პატრონი სჭირდება და თუ ხალხი სოფელს დაუბრუნდება, ეს არის ძალიან კარგი. მთელი ოჯახი ვეხმარებით ერთმანეთს, სამსახურში ვიღებთ შვებულებას და ზაფხულის მთელ ერთ თვეს ვატარებთ სოფელში. მეც თავისთავად მონაწილეობას ვიღებ კენკრის კრეფაში და ეს დაძაბული სამუშაო დღის შემდეგ განტვირთვაში მეხმარება“, - ამბობს მაია.

ამ სეზონზე 800 კილოგრამამდე მოცვის მოსავალს ელოდებიან, რომელსაც მთლიანად ადგილობრივ ბაზარზე გაიტანენ. სამომავლოდ ფერმერები პლანტაციის გაფართოებას და სახელმწიფო გრანტის მოპოვებას გეგმავენ.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
18 / მარტი 2024
„სრულად ვუჭერთ მხარს საქართველოს ტერიტორიულ მთლიანობას, სამხრეთ ოსეთი და აფხაზეთი არის საქართველოს ნაწილი", - ამის შესახებ ნატო-ს გენერალური მდივანმა იენს სტოლტენბერგმა საქართველოს პრემიერ-მინისტრთან ირაკლი კობახიძესთან შეხვედრის შემდეგ თბილისში გამართულ ბრიფინგზე განაცხადა.
18 / მარტი 2024
წალენჯიხის მერიის საფინანსო სამსახურის თანამშრომლის ირაკლი ეგიას მიმართ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულოსხმობს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 10 °C
img
სოხუმი 9 °C
img
ფოთი 10 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.