მულტიმედია
მაკულატურის "მეორე სიცოცხლე" - ზუგდიდელი ქალის დეკორატიული ნაკეთობები (ფოტო)
ლარნაკები, ჯამები, მაგიდები, ჩანთები, სამზარეულოს დეკორი და სასაჩუქრე ყუთები -  სამ წელზე მეტია ზუგდიდელი ქეთო კვარაცხელია მაკულატურისგან სხვადასხვა სახეობის, ფორმის და შეფერილობის დეკორატიულ ნივთებს ამზადებს. ამისთვის, როგორც თვითონ ამბობს ძველ ჟურნალ-გაზეთებს და უკვე გამოყენებულ თაბახის ფურცლებს იყენებს. ნაკეთობების შესაფერადებლად სპეციალურ, მაღალი ხარისხის საღებავსა და ლაქს იყენებს. გვიყვება, რომ ერთი ნამუშევრის გასაკეთებლად 2 დღიდან 1 კვირამდე დრო სჭირდება, რაც პროდუქციის ზომასა და შესრულების სირთულეზეა დამოკიდებული.

„პროცესი უდაოდ შრომატევადია, თუმცა ჩემთვის ძალიან სასიამოვნოა და განტვირთვისთვისაც ვიყენებ.  ყველაზე რთული მაკულატურის მოძიებაა. თავიდან დავიწყე ძველი ჟურნალ-გაზეთებით, შემდეგ, როცა ჩემი ჰობის შესახებ გაიგეს, ქაღალდები მეგობრებს და ნათესავებს მოჰქონდათ. ახლა ყველამ იცის, რომ ძველი ჟურნალ-გაზეთები, რომლებსაც ნაგავში გადაგდებას ან დაწვას უპირებდნენ, ჩემთვის უნდა შეინახონ. სამწუხაროდ, ვერ ვახერხებ ყოველდღიურ ცხოვრებაში ერთჯერადი მოხმარების ნივთების გამოყენებისგან თავის არიდებას, მაგრამ ჩემი ჰობით ვცდილობ გადასაყრელად გამზადებულ ნივთებს ახალი დანიშნულება შევძინო“, - ამბობს ქეთო კვარაცხელია.

გვიყვება, რომ ხელსაქმე ყოველთვის უყვარდა და ეხერხებოდა ქარგვა, ქსოვა და კერვა. მას შემდეგ, რაც მაღაზიის სახით საკუთარი მცირე ბიზნესი გაუჩნდა, საყვარელი საქმიანობისთვის დრო არ რჩებოდა. წლების წინ, როცა ინტერნეტი ჯერ კიდევ სიახლეს წარმოადგენდა, ოჯახის წევრებს თხოვდა მისთვის დაწნული კალათებისა და სხვა ნაკეთობების სურათები მოეძიებინათ.

"ერთხელაც გადავწყვიტე მეცადა ბედი, ამჯერად იმ მასალებით, რაც იმ დროს ხელთ მქონდა. Რა თქმა უნდა, პირველი რამდენიმე ცდა წარუმატებლად დასრულდა. შემდეგ ნელ-ნელა დავხვეწე და სტანდარტული წრის და ოთხკუთხედი ფორმების გარდა, არასტანდარტული ფორმის ნაკეთობების კეთება დავიწყე. რაც უფრო მეტი დრო გადის, მინდა უფრო და უფრო გავართულო. ახლა დიდი ზომის და ნაკეთობების გაკეთებაც შემიძლია", - აღნიშნავს ხელნაკეთი ნივთების ოსტატი.

ქეთო კვარაცხელიას დეკორატიულ ნაკეთობებს მისი მაღაზიის ერთგული მომხმარებლები და გულშემატკივრები ხშირად ყიდულობენ. ბოლო დროს გაყიდვაში სოციალური ქსელიც ეხმარება. როგორც თვითონ ამბობს, აქტიურად თანამშრომლობს ორგანიზაციებთან, რომლებიც სასაჩუქრე კომპლექტების ასაწყობად მის კალათებს იყენებენ.

"მიხარია, რომ სულ უფრო მეტი ორგანიზაცია მუშაობს ქალთა ეკონომიკური გაძლიერების კუთხით. მუდმივად ვეცნობი სოციალურ ქსელებს, რომ რამე საგრანტო კონკურსი არ გამომეპაროს. მინდა მადლობა გადავუხადო ზუგდიდში არსებულ არსამთავრობო ორგანიზაციებს ჩემთან თანამშრომლობისა და მხარდაჭერისთვის. ასევე, ადგილობრივ მუნიციპალიტეტის მერიას, რადგან მუდმივად ცდილობენ ჩამრთონ სხვდასხვა პროექტში. და ბოლოს, არ შემიძლია მადლობა არ გადავუხადო ქალბატონ მაია მიქავას, რომელმაც რამდენიმე დღის წინ აღმოაჩინა ჩემი ნაკეთობები და აქტიურად გააცნო ფეისბუქ საზოგადოებას. მისი პოსტის შემდეგ უამრავი ადამიანი გამომეხმაურა", -  ამბობს ქეთო კვარაცხელია.

სამომავლოდ ბევრი მიზანი აქვს, მათ შორის საგრანტო კონკურსში მონაწილეობა. იმედი აქვს, რომ დაფინანსებას მოიპოვებს და საქმიანობასაც გააფართოებს. ბიზნესის განვითარების შემთხვევაში სურს სოფლად მცხოვრები ქალები დაასაქმოს და საქართველოში წარმოებული ეკოლოგიურად სუფთა პროდუქტი შემატოს ბაზარს.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტში, პანდემიის მიუხედავად, რეგულაციების სრული დაცვით, ინფრასტრუქტურული სამუშაოები აქტიურად მიმდინარეობს.
ზუგდიდის მუნიციპალიტეტის ყულიშკარის ადმინისტრაციულ ერთეულში, სამაქაცარიოს უბანში, წმინდა გიორგის სახელობის ეკლესიამდე მისასვლელი საავტომობილო გზის რეაბილიტაციის მეორე ეტაპი დაიწყო.
დედაენის დღესთან დაკავშირებით, ადგილობრივი ხელისუფლების წარმომადგენლებმა იაკობ გოგებაშვილის ბიუსტი გვირგვინით შეამკეს.
კორონავირუსი
აფხაზეთის დე ფაქტო რესპუბლიკაში 238 ადამიანი გამოიკვლიეს და მათგან 37 -ს კორონავირუსი დაუდასტურდა.
გასული დღე-ღამის განმავლობაში ქვეყნის მასშტაბით კორონავირუსზე 9 750 ადამიანი გამოიკვლიეს და გამოვლინდა ინფიცირების 578 ახალი შემთხვევა.
Stopcov.ge-ზე გამოქვეყნებული ინფორმაციის მიხედვით,ბოლო 24 საათში გამოვლინდა ვირუსით ინფიცირების
საზოგადოება
წალენჯიხის #3 საჯარო სკოლის მოსწავლეებმა "დედა ენის" დღესთან დაკავშირებით ნახატები გამოფინეს.
ეკონომიკისა და მდგრადი განვითარების მინისტრის განცხადებით, ანაკლიის პორტის პროექტი საქართველოსთვის ეკონომიკურად, სტრატეგიულად და პოლიტიკურად მნიშვნელოვანია.
CNN-ის მიერ დასახელებულ მსოფლიოს 20 საუკეთესო წვნიანს შორის ქართული ხარჩოც მოხვდა. კერძის აღწერაში ვკითხულობთ, რომ ტყემალი ტრადიციულ წვნიანს უფრო გემრიელ არომატს სძენს.
ამავე კატეგორიაში
დღის სიახლეები
19 / აპრილი 2021
სამეგრელო-ზემო სვანეთის მასშტაბით, კორონავირუსის გამო ამ დროისთვის 27 საჯარო სკოლა დაიხურა და სწავლება დისტანციურ რეჟიმზეა გადასული.
19 / აპრილი 2021
მესტიის სოფელ ხაიშში პოლიციელის წინააღმდეგობის გაწევის ბრალდებით დაკავებულ სამ პირს წინასწარი პატიმრობა შეეფარდათ.
19 / აპრილი 2021
აფხაზეთის დე ფაქტო რესპუბლიკაში 238 ადამიანი გამოიკვლიეს და მათგან 37 -ს კორონავირუსი დაუდასტურდა.
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 18 °C
img
ფოთი 19 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.