მულტიმედია
ცეკვაში გაცოცხლებული აფხაზური მოგონებები და მასწავლებელი, რომელიც ენგურს გაღმა ცეკვაზე ოცნებობს (ფოტო/ვიდეო)
მაშინ, როცა აფხაზეთში, სახელმწიფო ანსამბლ „შარათინში“ ცეკვავდა, ვერ წარმოედგინა, რომ მომავალში უკვე საკუთარი ანსამბლის წევრებს მშობლიურ კუთხეში ვერ წაიყვანდა. ჟანა გაგუა 10 წელია ანსამბლ „ქილორს“ (ქართ. ხოხობი) ხელმძღვანელობს და ქართულ ტრადიციულ, მათ შორის, აფხაზურ ცეკვებსაც ასწავლის.
ჟანა 55 წლის წინ ტყვარჩელში დაიბადა. მისი ქართულ-აფხაზური ოჯახი აფხაზეთიდან სამეგრელოში საცხოვრებლად ომამდე წამოვიდა, თუმცა მშობლიურ კუთხეში ახლობლების სანახავად ხშირად დადიოდნენ.

განსაკუთრებული სიყვარულით იხსენებს „შარათინში“ ცეკვის წლებს.

ანსამბლი ,,შარათინის’’ კონცერტი სოხუმის ფილარმონიაში

,,უმეტესად ეთნიკურად აფხაზები იყვნენ ანსამბლში, ვიყავით ხუთი- ექვსი ქართველი და ყველას იდეალური ურთიერთობა გვქონდა. თბილად მიმიღეს და მთელი სამი წელი ბევრი მოგონება მაკავშირებს მათთან, მათ შორის, გასტროლები, ურთიერთობები. სხვადასხვა ქვეყნის ეროვნულ ცეკვებს ვსწავლობდით და ეს ძალიან მოგვწონდა“, - გვიყვება ჟანა.

გვეუბნება, რომ ,,შარათინის’’ მოცეკვავეებს ტელეფონით თუ ინტერნეტით დღემდე ეკონტაქტება, მათთან მეგობრული კავშირი არასოდეს გაუწყვეტია და ხშირად ერთმანეთს პროფესიულ რჩევებსაც უზიარებენ.

ანსამბლის საიუბილეო კონცერტი - 15 წელი დაარსებიდან

მისმა აფხაზმა მეგობრებმა იციან, რომ ჟანას შეგირდები აფხაზური ცეკვის შესწავლით არიან დაინტერესებულები. როცა დასჭირდა, მეგობრებმა აფხაზეთიდან დისკზე ჩაწერილი აფხაზური საცეკვაო სიმღერების ჩანაწერი გამოუგზავნეს.

ჟანა გაგუა რეპეტიციაზე თავის მოსწავლეებთან რუხის სკოლაში

,,აფხაზური ცეკვების პოპულარიზაციისთვის რაც შემიძლია, ყველაფერს ვაკეთებ, რაც მისწავლია სახელმწიფო ანსამბლლში, რაც მახსოვს, ვუზიარებ მოსწავლეებს. ბავშვებიც დაინტერესებულნი არიან ამ ცეკვებით’’, - გვეუბნება ჟანა.

აფხაზური ცეკვის მასტერკლასი ქორეოგრაფებისთვის ანაკლიაში

„შარათინამდე“ იყო ცეკვა ბაღსა და სკოლაშიც. ბავშვობიდან იცოდა, მომავალში რა იქნებოდა მისი პროფესია და ახლა უკვე საყვარელი საქმე მისი შემოსავლის წყაროა.

ჩვენი რესპონდენტის მიერ დაარსებულ ანსამბლს მალევე ახალგაზრდა მოცეკვავე, აფხაზეთიდან დევნილი ნიკა ჯომიდავა შეუერთდა. ისინი 50 - მდე მოსწავლეს თავიანთ ცოდნასა და გამოცდილებას უზიარებენ და რუხის საჯარო სკოლაში ცეკვის გაკვეთილებს კვირაში სამჯერ ატარებენ.

ანსამბლ ,,ქილორის’’ ქორეოგრაფები ჟანა გაგუა და ნიკა ჯომიდავა

ნიკა ამბობს, რომ მოზარდები მონდომებულები არიან ქართული ქორეოგრაფიის შესწავლით და მიიჩნევს, რომ აფხაზური ცეკვების პოპულარიზაცია ახალი თაობისთვის განსაკუთრებულად მნიშვნელოვანია.

ანსამბლ ,,ქილორის’’ მოცეკვავეები

,,ძალიან კარგად ეწყობიან ბავშვები აფხაზური ცეკვების სწავლებას, თვითონაც სურთ, რომ ისწავლონ, ძალიან მონდომებულები არიან. ჩვენ რითაც შეგვიძლია ვეხმარებით ამაში, ვასწავლით აფხაზურ ცეკვებს და შემდგომშიც გავაგრძელებთ აუცილებლად’’, - გვითხრა აფხაზეთიდან დევნილმა მოცეკვავემ.

ჟანასაც და ნიკასაც სურთ, მალე დადგეს დღე, როცა „ქილორის“ წევრებს აფხაზეთში გასტროლით წაიყვანენ და იქ იცეკვებენ. იციან, რომ ახლა ეს შეუძლებელია, თუმცა მშობლიურ კუთხეში ცეკვის იმედს არ კარგავენ.

,,ჩელას'' უფროსი თაობის გასვლითი კონცერტი ჩოხატაურში 2019 წელს

,,როცა ენგურს გაღმა მეგობრები ერთმანეთში ვსაუბრობთ, დიდი სურვილი გვაქვს, რომ იქ, აფხაზეთშიც და აქაც, სამეგრელოში ერთობილვად ჩავატაროთ კონცერტი’’, - ასე ასრულებს ჩვენთან საუბარს ჟანა გაგუა.

,,შარათინის’’ მოცეკვავეები საზეიმო კონცერტზე მინისტრთა საბჭოს ყოფილი შენობის წინ სოხუმში

მანამდე კი ცეკვითვე აცოცხლებს ბავშვობისა და სტუდენტობის მოგონებებს და თან ცდილობს, მოცეკვავეებს მონატრებული აფხაზეთი ამ კუთხით ასწავლოს და შეაყვაროს.



ეს პუბლიკაცია მომზადდა ევროკავშირისა და გაეროს განვითარების პროგრამის ფინანსური მხარდაჭერით. მის შინაარსზე პასუხისმგებელია მხოლოდ „ათინათი“ და შესაძლოა არ ასახავდეს ევროკავშირისა და გაეროს განვითარების პროგრამის შეხედულებებს.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.