მულტიმედია
რატომ გავხდი მასწავლებელი - ინტერვიუ ზუგდიდის ყველაზე ახალგაზრდა და ასაკოვან მასწავლებლებთან (ფოტო)
"მყავდა ერთი მასწავლებელი, რომლიც ძალიან არ მომწონდა, ჩემში ვერ ხედავდა იმას, რაც უნდა დაენახა. სწორედ ის გახდა ჩემი მოტივაცია ამერჩია ეს პროფესია, ბავშვებს რომ არ ჰყოლოდათ ისეთი მასწავლებლები, როგორიც მე მყავდა".

როგორც ჩანს, მე და ჩემს პირველ რესპონდენტს ერთი საერთო გვაქვს - ორივეს სკოლის რაღაც ეტაპზე ცუდი მასწავლებელი გვყავდა. შეიძლება, მასწავლებელმა ლიტერატურა, მათემატიკა, ფიზიკა ან ქიმია ძალიან კარგად იცოდეს, იმაზე უკეთაც, ვიდრე სასკოლო პროგრამა მოითხოვს, თუმცა ყველაზე რთული მოსწავლესა და მასწავლებელს შორის ორმხრივი კომუნიკაციის არსებობაა. თუ ბავშვი მასწავლებელში მეგობარს ვერ ხედავს და მას არ ენდობა, იმ პრობლემაზე არაფერს ეტყვის, რაც მას აწუხებს.

სალომე კვატიძე ზუგდიდის მეორე საჯარო სკოლაში ქართულ ენასა და ლიტერატურას ასწავლის. ის მუნიციპალიტეტში ყველაზე ახალგაზრდა მასწავლებელია.

- ძალიან მიყვარს ბავშვებთან ურთიერთობა, როცა მასწავლებელი ხარ მხოლოდ საგანს არ ასწავლი, ახლაც ჩემს ერთ მოსწავლეს ვესაუბრები...

- მთავარია ის თუ გესაუბრებათ?

- კი, გეთანხმებით, მთავარი ეს არის, სწორედ მის პრობლემაზე ვსაუბრობთ. მე ჩემის მხრივ რჩევას ვაძლევ, რამდენად გაითვალისწინებს, ეს სხვა საკითხია. მთავარია ბავშვს ვინმემ მოუსმინოს. ჩემი აზრით, მოსწავლეებს ჩემს მიმართ ნდობა აქვთ. მათგან მეც ძალიან ბევრ რჩევას ვიღებ.

მასწავლებლის დღე მუნიციპალიტეტში უხუცეს პედაგოგს, 82 წლის ანგელინა ჯგუბურიას ჩხორიის საჯარო სკოლაში მივულოცეთ. სკოლაში უკვე 52 წელია მუშაობს, 26 წელი ამავე სკოლის დირექტორი იყო, პროფესიული საქმიანობისთვის ღირსების ორდენიც მიიღო. ამბობს, რომ ბავშვები და მათთან მუშაობა ყველაზე მეტად უყვარს. მისი მთავარი მოტივატორი სწორედ ბავშვები არიან, რომლებთანაც ყოველ დღეს ატარებს.

"დამწყებ მასწავლებლებს ერთადერთ რჩევას მივცემ, თუ ბავშვები არ უყვართ, სკოლაში ნუ შემოვლენ. ბავშვები ჩვენგან მხოლოდ სიყვარულს და გაგებას ითხოვენ. მასწავლებელი უნდა ხვდებოდეს როგორ განწყობაზე მოდის ბავშვი სკოლაში. მასწავლებლობა ჩემი პედაგოგის გამო გადავწყვიტე, კლასში შემოვიდოდა თუ არა მეტყოდა - ჯგუბუ, გამახარეო! მამაჩემი სკოლის დირექტორი იყო, როცა პირველად შემომთავაზეს სკოლის ჩაბარება, სწორედ მისი სახელის უკვდავსაყოფად დავთანხმდი ამ საპასუხისმგებლო საქმეს, თან მაშინ ცუდი დრო იყო, მთავარი საფიქრალი ის გვქონდა, როგორ გაგვეთბო ბავშვები ზამთრის სიცივეში".

მე სკოლა სულ რამდენიმე წლის წინ დავამთავრე. სამწუხაროდ, არ გამიმართლა - არ მყავდა მასწავლებელი, რომელიც ჩვენს მოსმენას ცდილობდა. დღეს კი ორი გამორჩეული მასწავლებელი დამეთანხმა, რომ თუ ბავშვს მასწავლებელთან საუბრის სურვილი არ აქვს, ესე იგი პრობლემა სწორედ მასწავლებელშია.



Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასმა რუხისა და ბათუმის ჰოსპიტლებს ონკო-გინეკოლოგიური სერვისებისთვის საჭირო 142 000 ევროს ღირებულების სამედიცინო აღჭურვილობა გადასცა.
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
ამავე კატეგორიაში
დღის სიახლეები
06 / დეკემბერი 2022
7 დეკემბრიდან აფხაზეთის დე ფაქტო რესპუბლიკაში ელექტროენერგიაზე ისევ შეზღუდვები დაწესდება და "მარაოსებრი" გრაფიკი ამოქმედდება. ინფორმაციას აფხაზური ენერგოკომპანია "ჩერნომორენერგო" ავრცელებს.
05 / დეკემბერი 2022
აფხაზეთის დე ფაქტო რესპუბლიკის "სახელმწიფო უსაფრთხოების სამსახურში" განაცხადეს, რომ უწყება შესაძლო ტერორისტული საფრთხის
05 / დეკემბერი 2022
ჩეხეთის რესპუბლიკის კარიტასმა რუხისა და ბათუმის ჰოსპიტლებს ონკო-გინეკოლოგიური სერვისებისთვის საჭირო 142 000 ევროს ღირებულების სამედიცინო აღჭურვილობა გადასცა.
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 9 °C
img
სოხუმი 11 °C
img
ფოთი 8 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.