მულტიმედია
სახლი ზუგდიდში, რომელიც საახალწლოდ საშობაო ზღაპარს ემსგავსება (ფოტო/ვიდეო)

ზუგდიდელმა ეკა მირცხულავამ საახალწლო დიზაინით სახლის ფასადისა და ეზოს მორთვა 7 წლის წინ დაიწყო. ამ ყველაფრის ინსპირაცია კი სადღესასწაულო მოგონებები და ბავშვობაში ნანახი საშობაო ფილმები იყო.


მისთვის ახალი წელი მნიშვნელოვანი და განსაკუთრებული დღესასწაულია, ამიტომაც, ყოველ წელს საქმეს ენთუზიაზმით და პასუხისმგებლობით უდგება.
,,მე 90 - იანი წლების ბავშვი ვარ, ცოტა „შავბნელი“ პერიოდიდან მოვდივარ, ამიტომ ფილმები იყო ძირითადად ჩემი ინსპირაცია იმის, რომ მსგავსი რაღაცა გამეკეთებინა და როგორც კი კერძო სახლში გადმოვედით საცხოვრებლად, იქიდან დავიწყე ამაზე ფიქრი, მომწონდა ძალიან ეს განათება, სიფერადე, სიხალისე მოაქვს ამას... განწყობა ჩემთვისაც და მე ვფიქრობ, გარშემომყოფებისთვისაც’’ - გვეუბნება ჩვენი მასპინძელი.

როგორც ამბობს, საახალწლო დეკორაციებისა და სათამაშოების მოძიებას ორი თვით ადრე იწყებს.

ეკა მირცხულავა და მისი მეუღლე კობა ქობალია, გვიყვებიან, რომ მათი ,,მწვანე სახლი“, რომელსაც საახალწლოდ რთავენ გირლანდებით, სხვადასხვა დეკორაციებითა და მანათობლებით, ყოველ წელს საზეიმოდ 25 დეკემბერს ინთება. ნაძვის ხის ანთების ცერემონიალს კი მეგობრებთან ერთად, წვეულებით აღნიშნავენ.

ცდილობს ყოველ წელს სხვადასხვა დიზაინით გააფორმოს ეზოც და სახლიც. წლევანდელ დეკორაციებს დაამატა მთავარი ელემენტი, ოქროსფერი მანათობლები, ,,სანტა კლაუსი’’ მარხილით და ირმები.

,,სამზადისს ვიწყებ დაახლოებით ოქტომბერ - ნოემბერში, ინტერნეტით ვიძენ დეკორაციებს, განათებებს, ზოგიერთს ვქმნი მე თვითონ, ჩემი დიზაინით და შედეგი აგერ სახეზეა. მოწყობაში ოჯახის წევრები, მეგობრები და თანამშრომლები მეხმარებიან. ყოველ წელს ვცდილობ, რომ მეორე წელს რაღაც ახალი დეტალი შევძინო, შარშან ფერად ფერებში მქონდა გაკეთებული, წელს გადავწყვიტე, რომ თბილი ნათებით გამეკეთებინა, ამით უფრო თბილი განწყობა შემექმნა. რა თქმა უნდა ყველა დეტალზე ვფიქრობ, ვიაზრებ და წარმოდგენილი მაქვს, რომ განათდება, როგორი იქნება. მომავალი წლის განათებაზე, როგორც კი დაიშლება ეს ყველაფერი, წინასწარ ვფიქრობ, როგორ გავაკეთო, რა ახალი დეტალი შევმატო, უფრო გავახალისო და კარგი განწყობა შევქმნა, პირველ რიგში’’, - გვითხრა ეკამ.

გვეუბნება, რომ მათ ეზოსთან, სადაც უამრავი საახალწლო აქსესუარია განათებული, დროდადრო ჭიშკართან გამვლელები ჩერდებიან და ფოტოებს იღებენ.

მისი სახლის ფანჯრებზე, კედლებზე და ოთახის სხვადასხვა სივრცეში შენიშნავთ ზღაპრული სამყაროს საყვარელ გმირებს, მრავალფეროვან საახალწლო სუვენირებს და არაერთ ნაძვის ხეს.

,,ვცდილობ, რომ არა მარტო ეზოში, შიგნითაც თითქმის ყველა ოთახში იგრძნობოდეს სადღესასწაულო ატმოსფერო, ვრთავ რამდენიმე ნაძვის ხეს სხვადასხვა ფერებში და მთელ სახლში არის საახალწლო განწყობა’’.

უსაჩუქროდ არც საყვარელ ადამიანებს ტოვებს, საგანგებოდ არჩევს, ლამაზად ფუთავს, ნაძვის ხის ქვეშ ალაგებს, რომ თითოეული მათგანი ახალი წლის ღამეს გაახაროს.

”ვემზადები აგრეთვე საჩუქრებისთვის, ჩემი ახლობლები და მეგობრები ,,სანტას სახლს’’ ეძახიან, რადგან ჩემი უახლოესი ადამიანებისთვის, ოჯახის წევრებისთვის, მეგობრებისთვის ნაძვის ხის ქვეშ არის საჩუქრები, რითაც ვცდილობ მათ გახარებას’’.

დაწრმუნებულია, რომ „ჯადოსნური“ განწყობა ყველას სჭირდება და თუკი ერთ ადამიანს მაინც გაუფერადებს შობა - ახალი წლის დღეებს, ბედნიერია.



 

Print Email
FaceBook Twitter
დაფინანსებული
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ გალა კონცერტით დასრულდა.
მერის სტიპენდიაზე განცხადებების მიღება დაიწყო.
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ ჯიხაშკარში, მის მშობლიურ სოფელში გაიმართა, რომელშიც საქართველოს სხვადასხვა რეგიონიდან ჩამოსული ფოლკლორული ანსამბლები მონაწილეობდნენ.
ამავე კატეგორიაში
დღის სიახლეები
17 / ივლისი 2024
მომავალ ლიდერთა გაცვლითი პროგრამა (FLEX), 30 წელზე მეტია, რაც ამერიკის მთავრობის მხარდაჭერით ხორციელდება საქართველოში.
17 / ივლისი 2024
აფხაზეთის დე ფაქტო რესპუბლიკის ე.წ. პარლამენტის ეკონომიკური პოლიტიკისა და რეფორმების კომიტეტმა “აპარტამენტების” შესახებ კანონპროექტი დაამტკიცა.
17 / ივლისი 2024
21 ივლისამდე საქართველოში მოსალოდნელია დროგამოშვებით ხანმოკლე წვიმა ელჭექით, შესაძლებელია სეტყვა და ქარის გაძლიერება. ამის
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 24 °C
img
სოხუმი 24 °C
img
ფოთი 26 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.