მულტიმედია
რატომ არა ე.წ აგენტების კანონს - ზუგდიდელების პასუხები (ფოტო/ვიდეო)
დღეს ზუგდიდში აქცია, სახელწოდებით "არა რუსულ კანონს" გაიმართა. მოქალაქეებმა, სამოქალაქო საზოგადოების წევრებთან და პოლიტიკოსებთან ერთად, გააპროტესტეს ე.წ უცხოელი აგენტების კანონის საკანონმდებლო ორგანოში ხელმეორედ დაინიცირება.

აქციის მონაწილეებს ხელში ეჭირათ საქართველოს, ევროკავშირისა და უკრაინის დროშები, პროტესტის გამომხატველი ტრანსპარანტებიც. მოგვიანებით კი, მსვლელობით, მერიის შენობისა და "ქართული ოცნების" ოფისის წინ გადაინაცვლეს.

რადიო "ათინათმა" აქციის მონაწილეებს სთხოვა, რამდენიმ წინადადებით ეთქვათ, რატომ არა "ოცნების" კანონს.

განსხვავები პროფესიების, საქმიანობისა და შეხედულებების პასუხები შინაარსობრივად საერთოა, სათქმელი და არგუმენტებიც ერთი აქვთ.
"არა რუსულ კანონს იმიტომ, რომ ამ კანონით აფხაზეთში ვერ დავბრუნდებით. არა რუსულ კანონს იმიტომ, რომ რუსული კანონი ზღუდავს სიტყვის თავისუფლებას და დემოკრატიას. არა რუსულ კანონს იმიტომ, რომ ამ კანონით ჩვენ ევროკავშირში ვერ შევალთ", - თქვა "დროას" ადგილობრივი ორგანიზაციის ხელმძღვანელმა მარიამ სიჭინავამ.

აქციის ერთ-ერთი ორგანიზატორი, "საერთაშორისო გამჭვირვალობა - საქართველოს" რეგიონული ოფისის ხელმძღვანელი არჩილ თოდუა რადიო "ათინათს" ეუბნება, რომ კანონის მიღების მთავარი მიზანია ქვეყანაში კრიტიკული აზრის გაუქმება, რომელიც მისი თქმით, რუსეთის ფედერაციას გვაახლოებს.

"ამ კანონის მიღება ჩვენ გვიკარგავს ევროპულ ოჯახში გაწევრიანების პერსპექტივას ამიტომაც, არა რუსულ კანონს. დაუშვებელია, ჩვენ ქვეყანაში მივიღოთ კანონი, რომელიც ევროპისკენ მიმავალ გზას დაგვიკარგავს. არასამთავრობო ორგანიზაციები, მედიები, დღეს აქტიურად საუბრობენ სახელმწიფოში არსებულ პრობლემებზე, კორუფციაზე, ნეპოტიზმზე, სასამართლოში არსებულ კლანურ მმართველობაზე. სწორედ ამ აზრის, ამ ხმის გაქრობა უნდათ, ამიტომაც ცდილობენ ისინი რუსული კანონის მიღებას", - განმარტა მან.

"რუსული კანონით ჩვენ ვუბრუნდებით საბჭოთა კავშირს, რუსული კანონით ჩვენ სამუდამოდ ვკარგავთ აფხაზეთს, რუსული კანონით ჩვენ არ გვაქვს მომავალი. არა რუსულ კანონს, კი - ევროპას", - ამბობს ნანა შედანია, სოციალური კაფე "მეგობარის" დამფუძნებელი.

"ჩვენ ჩვენს წინაპრებს მონებად არ გავუზრდივართ", - თქვა აქციის ერთ-ერთმა მონაწილემ შალვა ესართიამ.

ადგილზე შეკრებილი სხვადასხვა ასაკისა და პროფესიის ადამიანები დღეს საერთო მიზანმა, ე.წ აგენტის კანონის მიმართ წინააღმდეგობამ გააერთიანა. მიუხედავად, მათი მრავალფეროვანი არგუმენტებისა, საუბრისას ყველას სათქმელი იდენტური იყო.
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
ამავე კატეგორიაში
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 15 °C
img
ფოთი 16 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.