ზუგდიდში დამოუკიდებლობის დღეს აღნიშნავენ (ფოტო/ვიდეო)
17:27 / 26.05.2024
საქართველოს დამოუკიდებლობის 106 წლისთავთან დაკავშირებით, ზუგდიდში დილიდან საზეიმო აქტივობები ტარდება. ადგილობრივები ცენტრალურ მოედანზე იკრიბებიან და სხვადასხვა სივრცეებს ათვალიერებენ.
აქ შეხვდებით ყველა თაობის ზუგდიდელს. ისინი 1918 წლის 26 მაისის სულისკვეთებას იხსენებენ და საქართველოს ნათელ მომავალს უსურვებენ.
გამოფენილია სხვადასხვა ტიპის სამხედრო ტექნიკა, შეიარაღება და აღჭურვილობა. ბავშვები დიდი ინტერესით სხდებიან ე.წ ჯავშანტრანსპორტიორებსა და რადიო სარეტრანსლაციო მანქანებში. სამხედროები ვიზიტორებს თითოეული ტექნიკის მახასიათებლებსა და იარაღით დამიზნების სპეციფიკას უხსნიან.
მეწარმეები დამთვალიერებლებს მრავალფეროვან პროდუქტს სთავაზობენ. შეგიძლიათ, ადგილზე დააგემოვნოთ ყველი, თაფლი და აშ, ხელნაკეთი ნივთები და სათამაშოები შეიძინოთ. "ვაწარმოებთ ფუტკარს, ფუტკართან დაკავშირებით ყველა პროდუქტს: თაფლს, სანთელს, დინდგელს, ფუტკრის რძესაც წარმოდგენილი გვაქვს მაისის თაფლი, შემოდგომის თაფლი და აშ...ღმერთმა ქნას, დიდხანს გვქონოდეს შენარჩუნებული დამოუკიდებლობა და უფრო ძლიერი, გამთლიანებული გვენახოს ჩვენი ქვეყანა", - ამბობს მეწარმე ვახტანგ ჯიქია. გარდა ამისა, საბავშვო სივრცეებში ბავშვებს სახის მოხატვაც შეუძლიათ. 17:10 წუთზე, მაშინ როდესაც 1918 წელს საქართველოს დამოუკიდებლობა გამოცხადდა, გაჟღერდა ქვეყნის ეროვნული ჰიმნი. დღეს სამეგრელოს მასშტაბით ყველა მუნიციპალიტეტში საზეიმო ღონისძიებები მიმდინარეობს.
საქართველოში 21 ივნისამდე, მაღალი ტემპერატურის ფონზე, მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ამის შესახებ ინფორმაციას გარემოს ეროვნული სააგენტო ავრცელებს.
საქართველოს ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ თქვა, რომ საქართველოში საპორტო ინფრასტრუქტურის განვითარება მნიშვნელოვანია, თუმცა
სტატისტიკის ეროვნული სამსახურის ინფორმაციით, მიმდინარე წლის პირველ კვარტალში (იანვარ-მარტი) დაქირავებით დასაქმებულთა საშუალო თვიური ნომინალური ხელფასი გაიზარდა და 1267 ლარს გაუტოლდა. ეს მაჩვენებელი 132.2
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები