სარეკლამო მასალა
თხილის მწარმოებელთა ასოციაციის მეოთხე წლიური კონფერენცია ზუგდიდში (ფოტო/ვიდეო)
საქართველოს თხილის მწარმოებელთა ასოციაციამ რიგით მეოთხე წლიური კონფერენცია გამართა, რომელზეც 2019 წელს ჩატარებული სამუშაოები და წელს განსახორციელებელი გეგმები მიმოიხილეს. შეხვედრას სამეგრელო-ზემო სვანეთის სახელმწიფო რწმუნებული ალექსანდრე მოწერელია, გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, ზუგდიდის მერი გიორგი შენგელია და ფერმერები დაესწრნენ. შეხვედრის მონაწილეებმა მიიღეს უახლესი ინფორმაცია თხილის დარგში არსებულ გამოწვევებზე და მიღწევებზე. კერძოდ, ისაუბრეს მავნებლებთან და დაავადებებთან ბრძოლის ხერხებზე, ნიადაგის განაყოფიერების მნიშვნელობაზე, მოსავლის დაზღვევასა და შეღავათიან აგროკრედიტებზე.

საქართველოს თხილის მწარმოებელთა ასოციაცია 2013 წელს შეიქმნა. ამ დროისთვის ის აერთიანებს 15 000 - მდე წევრს, რომელიც გაერთიანებულია 1320 სამუშაო ჯგუფში. ასოციაციის ძირითადი მიზანია საქართველოში თხილის მოვლასთან დაკავშირებული ცოდნის ამაღლება, თხილის ხარისხის გაუმჯობესება და წარმოების გაზრდა. მისი მუშაობა გამოირჩევა იმით, რომ მასში გაწევრიანებული ფერმერები იყენებენ ჯგუფური მუშაობის მეთოდს, რაც მათ საშუალებას აძლევს ერთმანეთს გაუზიარონ პრაქტიკული გამოცდილება და ერთად მონახონ სხვადასხვა პრობლემების გადაჭრის გზები. თითოეულ ჯგუფს ჰყავს ლიდერი ფერმერი.

დღეის მდგომარეობით თხილის მწარმოებელ ფერმერებს ემსახურება 100-მდე კვალიფიციური აგრონომი, რომელიც სეზონის განმავლობაში ყოველდღიურ რეჟიმში უწევს კონსულტაციას ფერმერებს, აძლევს მათ რეკომენდაციებს და აკვირდება მათ მიერ თხილის ბაღებში შესრულებულ სამუშაოებს.
გარდა აგრონომის მომსახურებისა, ასოციაციის წევრები სარგებლობენ ისეთი შეღავათებით და სერვისებით, როგორიცაა ნიადაგის გამოკვლევა, შესაწამლი ტექნიკით უზრუნველყოფა, მოსავლის შრობა-შენახვა. ასოციაცია უზრუნველყოფს ასევე მათთვის ფინანსებზე ხელმისაწვდომობის ამაღლებას საჭირო სასუქების, შხამქიმიკატებისა და ინვენტარის გამარტივებულად შეძენის მიზნით.

2019 წელს ასოციაციასთან ერთად განხორციელდა „თხილის მოსავლის გადარჩენის პროგრამა“, რომლის დამფინანსებლები იყვნენ სახელმწიფო, USAID და ფერერო. აღნიშნული პროგრამის ფარგლებში ასოციაციაში დამატებით გაწევრიანდა 14 000-მდე მეთხილე ფერმერი, რომელსაც უსასყიდლოდ გადაეცა 2000-მდე შესაწამლი აპარატი.

პროგრამის წარმატებით განხორციელებამ განაპირობა თხილის მოსავლის, როგორც ხარისხობრივი გაუმჯობესება, ისე მოსავლიანობის ამაღლება და შესაბამისად ფერმერთა შემოსავლების გაზრდა.

პროგრამა გაგრძელდება 2020 წელსაც, რომლის ფარგლებში იგეგმება ასოციაციის წევრების გაზრდა 30 000 ფერმერამდე და 1 500 შესაწამლი აპარატის გადაცემა.

კონფერენციას სხვადასხვა დარგობრივი უწყებების ხელმძღვანელებთან ერთად არასამთავრობო და დონორი ორგანიზაციების წარმომადგენლები, უცხოელი სტუმრები, თხილის გადამამუშავებლები, სასუქებისა და პესტიციდების მწარმოებლები, ფინანსური ინსტიტუტები, სადაზღვევო კომპანიები და თხილის სექტორში მოღვაწე მეცნიერები ესწრებოდნენ.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გამოკვლეული პაციენტებიდან ერთ-ერთს ახალი კორონავირუსი დაუდასტურდა.
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში დღეის მონაცემებით 102 პირი იმყოფება.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 26 °C
img
სოხუმი 26 °C
img
ფოთი 27 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.